22 កក្កដា 2016
សុខ ខេមរា
រូបឯកសារ៖ លោក សម រង្ស៊ី ប្រធានគណបក្សសង្គ្រោះជាតិ (កណ្តាល) ថ្លែងសុន្ទរកថាក្នុងថ្ងៃប្រារព្ធទិវាសិទ្ធិមនុស្សអន្តរជាតិ នៅមុខរដ្ឋសភាជាតិ នៅទីក្រុងភ្នំពេញ កាលពីថ្ងៃពុធ ទី១០ ខែធ្នូ ឆ្នាំ២០១៤។
រូបឯកសារ៖ លោក សម រង្ស៊ី ប្រធានគណបក្សសង្គ្រោះជាតិ (កណ្តាល) ថ្លែងសុន្ទរកថាក្នុងថ្ងៃប្រារព្ធទិវាសិទ្ធិមនុស្សអន្តរជាតិ នៅមុខរដ្ឋសភាជាតិ នៅទីក្រុងភ្នំពេញ កាលពីថ្ងៃពុធ ទី១០ ខែធ្នូ ឆ្នាំ២០១៤។
លោក សម រង្ស៊ី ថ្លែងថា លោកមិនបានអំពាវនាវទាល់តែសោះ ឲ្យសហគមន៍អឺរ៉ុបបិទទីផ្សាររបស់គេតែម្តងនោះ។ នេះបង្ហាញថា រដ្ឋាភិបាលកំពុងតែឃោសនាយ៉ាងអកុសល ដោយបកប្រែពាក្យ សម្តីរបស់លោកពីភាសាបារាំងមកភាសាខ្មែរខុសស្រឡះទាំងស្រុង។
ភ្នំពេញ —
មេដឹកនាំគណបក្សជំទាស់ដែលកំពុងនិរទេសខ្លួននៅក្រៅប្រទេសគឺលោក សម រង្ស៉ី បានបដិសេធនៅលើទំព័រ Facebook របស់លោកថា លោកមិនបានស្នើសុំឲ្យសភាអឺរ៉ុបបិទទីផ្សារសម្លៀកបំពាក់ពីកម្ពុជាទេ ដោយលោកស្តីបន្ទោសថា រដ្ឋាភិបាលកម្ពុជាកំពុងកុហក់ពលរដ្ឋ និងកម្មករ។
ការបដិសេធរបស់លោក សម រង្ស៊ី កើតក្រោយពេលដែលមានប្រតិកម្មយ៉ាងខ្លាំងពីសហជីពកម្មករ និងកម្មករ ដែលខ្លះបានអះអាងថា នឹងរំលាយគណបក្សសង្គ្រោះជាតិ ប្រសិនបើអឺរ៉ុប បិទទីផ្សារសម្រាប់ផលិតផលសម្លៀកបំពាក់ពីកម្ពុជាមែននោះ។ តែលោក សម រង្ស៊ី បានថ្លែងបំភ្លឺថា ការអះអាងទាំងឡាយនោះ គឺជាការមួលបង្កាច់រូបលោក ដោយលោកបានបញ្ជាក់បន្ថែមថា អ្វីដែលលោកបានប្រាប់ក្រុមសមាជិកសភាអឺរ៉ុបកាលពីសប្តាហ៍មុននោះគឺថា៖
«បើអស់លោកអ្នកតំណាងរាស្ត្រសភាអឺរ៉ុបធ្វើឲ្យអាជ្ញាធរប្រទេសកម្ពុជាយល់ថា ទីផ្សារសម្លៀកបំពាក់នេះមិនមែនបើកចំហជានិច្ចកាល ដោយគ្មានលក្ខខណ្ឌទេនោះ នោះពួកគេទាំងនោះអាចចាប់ផ្តើមគិតគូរពីការគោរពសិទ្ធិមនុស្ស និងលទ្ធិប្រជាធិបតេយ្យនៅកម្ពុជា»។
(ចុចមើលវីដែអូដែលលោក សម រង្ស៊ី និយាយជាភាសាបារាំងអំពីគោលជំហររបស់លោកទាក់ទងនឹងតួនាទីរបស់សភាអ៊ឺរ៉ុបក្នុងការពង្រឹងសិទ្ធិកម្មករ)
លោកថ្លែងថា លោកមិនបានអំពាវនាវទាល់តែសោះ ឲ្យសហគមន៍អឺរ៉ុបបិទទីផ្សាររបស់គេតែម្តងនោះ។ នេះបង្ហាញថា រដ្ឋាភិបាលកំពុងតែឃោសនាយ៉ាងអកុសល ដោយបកប្រែពាក្យ សម្តីរបស់លោកពីភាសាបារាំងមកភាសាខ្មែរខុសស្រឡះទាំងស្រុង។ លោកបានដាក់បង្ហោះ ខ្សែអាត់វីដេអូលើគេហទំព័រលោកផងដែរ។
លោកបន្តថា អ្វីដែលលោកបានលើកឡើងនោះគឺមិនខុសពីអ្វីដែលសហជីពធំៗនៅប្រទេសកម្ពុជាទេ ដោយបានស្នើឲ្យក្រុមហ៊ុនអន្តរជាតិធំៗ ដែលជាអ្នកបញ្ជាទិញ និងជាក្រុមហ៊ុនបរទេសទាំងនោះ គិតគូរអំពីលក្ខខណ្ឌការងារដ៏លំបាកវេទនារបស់កម្មករខ្មែរនៅប្រទេសកម្ពុជា ហើយដាក់សម្ពាធឲ្យថៅកែរោងចក្រកាត់ដេរនៅប្រទេសកម្ពុជា ដំឡើងប្រាក់ខែ និងកែលំអលក្ខខណ្ឌការងារសម្រាប់ដល់កម្មករខ្មែរនោះទេ។ គេពុំទាន់ឃើញមានប្រតិកម្មពីរដ្ឋាភិបាលកម្ពុជានៅឡើយទេ ទាក់ទងនឹងការចោទប្រកាន់ និងការបកស្រាយរបស់លោក សម រង្ស៊ី នេះទេ៕
1 comment:
To Sam Rainsy:
You are a public figure, please think carefully of what you say. Your message must be precise and clear to avoid the bad interpretation from bad people who have always looked for a window to attack you and the CNRP.
Also, you must stop taking advice from your wife because she is blindly pro Ah Sdach Chkuot Sihanouk family. This Sihanouk family is Hun Sen's puppet and Hun Sen is Yuon's puppet.
Therefore, you will spontaneously become Yuon's puppet if you listen to your wife.
Bun Thoeun
Post a Comment