A Change of Guard
សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican
Thursday 5 May 2016
ពលរដ្ឋ៖ ការដឹកជញ្ជូនឈើខុសច្បាប់ពីខេត្តរតនគិរីទៅវៀតណាមនៅតែបន្តកើតមាន
Manekseka Sangkum; It's mostly about two-way, win-win policy in this very special relationship between Kampuchia and Vietnam, i.e. Vietnamese settlers in, Kampuchian natural resources out...
>>>
ពលរដ្ឋ៖ ការដឹកជញ្ជូនឈើខុសច្បាប់ពីខេត្តរតនគិរីទៅវៀតណាមនៅតែបន្តកើតមាន
ដោយ រដ្ឋា វិសាល
2016-05-05
រថយន្តដឹកឈើ និងឈើដែលក្រុមសមត្ថកិច្ចចម្រុះរើចេញនៅមុខទីស្នាក់ការសាខាគយខេត្តរតនគិរី ដើម្បីរាប់ចំនួន កាលពីព្រឹកថ្ងៃទី២៦ ខែវិច្ឆិកា ឆ្នាំ២០១៥ បន្ទាប់ពីចាប់បានរថយន្តដឹកឈើនៅច្រកទ្វារព្រំដែនអន្តរជាតិអូរយ៉ាដាវ។
RFA/Ratha Visal
ប្រជាពលរដ្ឋរស់នៅតាមដងផ្លូវលំ ក្នុងភូមិប៉ាដល ឃុំសេសាន ស្រុកអូរយ៉ាដាវ ខេត្តរតនគិរី អះអាងថា ការដឹកជញ្ជូនឈើឆ្លងដែនខុសច្បាប់ពីខេត្តរតនគិរី ទៅកាន់ប្រទេសវៀតណាម តាមច្រករបៀងព្រំដែននៅតែបន្តកើតមាន ដោយប្រើប្រាស់រថយន្តទេសចរណ៍ទំនើបៗដឹកជញ្ជូនទៅវេលាយប់។ ចំណែកមន្ត្រីអាជ្ញាធរអះអាងថា សមត្ថកិច្ចបានចាត់វិធានការទប់ស្កាត់មិនមានការដឹកជញ្ជូនឈើនោះបានទេ។
អាជ្ញាធរខេត្តរតនគិរី អះអាងនៅថ្ងៃទី៥ ខែឧសភា ថា ក្រុមសមត្ថកិច្ចកំពុងចាត់វិធានការទប់ស្កាត់នៅតាមច្រករបៀងព្រំដែន ហើយមិនមានការចរាចរណ៍ឈើខុសច្បាប់ឆ្លងកាត់ចូលទៅប្រទេសវៀតណាម បានទៀតឡើយ។
ស្នងការរងនគរបាលខេត្តរតនគិរី ទទួលបន្ទុកកិច្ចការព្រំដែន លោក ហេង រតនា បញ្ជាក់ថា កងកម្លាំងនគរបាលត្រូវបានដាក់បញ្ជាម៉ឺងម៉ាត់ទប់ស្កាត់បទល្មើសដឹកជញ្ជូនឈើឆ្លងព្រំដែនដោយខុសច្បាប់ ហេតុនេះលោកប្ដេជ្ញាថា មិនអនុញ្ញាតឲ្យឈ្មួញបន្តលួចលាក់ដឹកជញ្ជូនឈើចេញទៅប្រទេសវៀតណាម ដូចមុនបានឡើយ៖ «ដាក់កម្លាំងទប់ស្កាត់មកពីភ្នំពេញ ហើយតើ! អ្នកណាហ៊ានចេញ។ ឥឡូវថាមានចេញទៀត ដឹងថារឿងហើយ ខ្ញុំបង្ក្រាបឲ្យបាន»។
កាលពីសប្ដាហ៍មុននេះ ប្រជាពលរដ្ឋរស់នៅភូមិប៉ាដល ឃុំសេសាន ស្រុកអូរយ៉ាដាវ រាយការណ៍ថា ឈើជ្រុងរាប់សិបឡានក្នុងមួយថ្ងៃៗ ត្រូវបានគេដឹកជញ្ជូនដោយរថយន្តចេញពីព្រៃក្បែរការដ្ឋានក្រុមហ៊ុនសម្បទានសេដ្ឋកិច្ច ចាងលី និងក្រុមហ៊ុន ជា ច័ន្ទរិទ្ធ នៅចម្ងាយប្រមាណ ១០គីឡូម៉ែត្រពីតំបន់ព្រំដែនតាមផ្លូវលំដែលក្រុមហ៊ុនបានធ្វើ ហើយឆ្លងតាមច្រករបៀងព្រំដែននៅភូមិភិ ចូលទៅប្រទេសវៀតណាម ដោយគ្មានការទប់ស្កាត់។
យ៉ាងនេះក្តី ប្រជាពលរដ្ឋរស់នៅភូមិប៉ាដល កត់សំគាល់ថា រហូតមកទល់នឹងថ្ងៃទី៤ ខែឧសភា ការចរាចរណ៍ឈើមិនបានបញ្ឈប់ដូចការអះអាងរបស់ក្រុមសមត្ថកិច្ចពាក់ព័ន្ធនោះឡើយ។ អ្នកភូមិសុំមិនឲ្យបញ្ចេញឈ្មោះបញ្ជាក់ថា រថយន្តប្រភេទទេសចរណ៍ទំនើប ៥ ទៅ ៧គ្រឿង នៅតែបន្តដឹកជញ្ជូនឈើនៅវេលាយប់តាមច្រករបៀងដដែល៖ «អត់ជិតទេបង ម្សិលមិញហ្នឹងហើយដឹក យប់មិញក៏ដឹក។ គេថា ប៉ុន្តែខ្ញុំនៅនឹងផ្លូវគេដឹក ប្រជាពលរដ្ឋក៏ឃើញគ្រប់គ្នា»។
ទាក់ទិនបញ្ហានេះដែរ មន្ត្រីឃ្លាំមើលបញ្ហាព្រៃឈើសមាគមអាដហុក (ADHOC) ខេត្តរតនគិរី លោក ឆាយ ធី ថ្លែងថា សហគមន៍រស់ជិតតំបន់ព្រំដែនក្នុងស្រុកអូរយ៉ាដាវ ក៏បានរាយការណ៍ពីការលួចដឹកជញ្ជូនឈើឆ្លងដែនទៅប្រទេសវៀតណាម នេះដែរ។ លោកថា រូបភាពទាក់ទិនបទល្មើសព្រៃឈើឆ្លងដែនត្រូវគេបង្ហោះក្នុងបណ្ដាញព័ត៌មានសង្គមដោយចោទប្រកាន់ទៅលើកងកម្លាំងការពារព្រំដែនជាអ្នកនៅពីក្រោយបទល្មើសព្រៃឈើនេះ៖ «ថ្នាក់ជាតិធ្វើយ៉ាងណាទប់ស្កាត់បទល្មើសព្រៃឈើដែលធ្វើសកម្មភាពថ្មីនេះដើម្បីអនុវត្តបទបញ្ជាប្រមុខរាជរដ្ឋាភិបាល»។
ចំណែកមន្ត្រីខណ្ឌរដ្ឋបាលព្រៃឈើខេត្តរតនគិរី លោក កែក កត់ បដិសេធថា រូបភាពបទល្មើសព្រៃឈើដែលបង្ហោះក្នុងបណ្ដាញព័ត៌មានសង្គមកើតមាននៅទឹកដីខេត្តមណ្ឌលគិរី។ ករណីនេះ សមត្ថកិច្ចជំនាញព្រៃឈើខេត្តមណ្ឌលគិរី បានបង្ក្រាបហើយ។ លោកបន្តថា មកទល់នឹងថ្ងៃទី៥ ខែឧសភា នេះ សមត្ថកិច្ចជំនាញបានចុះវាស់វែងស្រង់តួលេខឈើចាស់ដែលសេសសល់នៅក្នុងក្រុមហ៊ុនសម្បទាននៅខេត្តរតនគិរី អស់ហើយ ដូច្នេះគ្មានឈើសេសសល់សម្រាប់ឈ្មួញ និងជនខិលខូចនាំចេញទៅប្រទេសវៀតណាម បានដូចមុនទេ៖ «ជាព័ត៌មានចេះតែសង្ស័យទេ មិនហ៊ានទៀតទេ។ ដូចនៅកោះរំយើលលើ សារព័ត៌មានរតនគិរី បាញ់ឲ្យខ្ញុំ ដល់ខ្ញុំឲ្យមន្ត្រីផ្ទៀងផ្ទាត់មើល ឆ្លើយមកវិញថា នៅមណ្ឌលគិរី ទេ។ វាបម្រុងដឹកឆ្លងមកយើងរតនគិរី ប៉ុន្តែខាងមណ្ឌលគិរី គេចាប់បានហើយ»។
យ៉ាងណាក៏ដោយ ប្រជាពលរដ្ឋភូមិប៉ាដល អំពាវនាវសុំឲ្យគណៈកម្មការជាតិបង្ក្រាប និងទប់ស្កាត់បទល្មើសព្រៃឈើចុះមូលដ្ឋានផ្ទាល់ ពីព្រោះរថយន្តដឹកជញ្ជូនឈើឆ្លងកាត់មុខផ្ទះអ្នកភូមិមិនដែលខានយប់ណាឡើយ៕
Subscribe to:
Post Comments (Atom)
No comments:
Post a Comment