ដោយ អ៊ុង សេរីវុទ្ធ
rfa 2015-11-23
 |
| លោក កឹម សុខា អនុប្រធានគណបក្សសង្គ្រោះជាតិ និងជាអនុប្រធានទី១ រដ្ឋសភា ថ្លែងទៅកាន់អ្នកកាសែត នាអាកាសយានដ្ឋានអន្តរជាតិភ្នំពេញ ពេលត្រឡប់ពីបំពេញទស្សនកិច្ចនៅក្រៅប្រទេស នៅថ្ងៃទី៩ ខែកញ្ញា ឆ្នាំ២០១៥។
RFA/Morm Moniroth
|
អនុប្រធានបក្សប្រឆាំងលោក កឹម សុខា និងតំណាងរាស្ត្រដែលរងរបួស២នាក់ទៀត នឹងត្រឡប់មកកម្ពុជាវិញនៅថ្ងៃទី២៤ វិច្ឆិកា ខណៈដែលលោក សម រង្ស៊ី នៅមិនទាន់ត្រឡប់ចូលកម្ពុជាវិញនៅឡើយ។
អ្នកនាំពាក្យគណបក្សសង្គ្រោះជាតិ លោក យ៉ែម បុញ្ញឫទ្ធិ ប្រាប់វិទ្យុអាស៊ីសេរីនៅថ្ងៃទី២៣ វិច្ឆិកា ថា បន្ទាប់ពីលោក កឹម សុខា ត្រឡប់ពីប្រជុំនៅទីក្រុងម៉ានីល (Manila) ប្រទេសហ្វីលីពីន (Philippine) លោកក៏បានចូលសួរសុខទុក្ខតំណាងរាស្ត្រ២រូប គឺលោក ញ៉យ ចំរើន និងលោក គង់ សភា ដែលរងការវាយប្រហារឲ្យរបួសធ្ងន់ កំពុងសម្រាកព្យាបាលនៅប្រទេសថៃ ដោយអ្នកទាំងបីនឹងត្រឡប់មកកម្ពុជាវិញនៅថ្ងៃជាមួយគ្នា បន្ទាប់ពីតំណាងរាស្ត្រ២រូបនោះ បានធូរស្រាលពីរបួស។
ចំណែកដំណើរវិលត្រឡប់របស់លោក សម រង្ស៊ី ចូលមកកម្ពុជា ត្រូវបានលោក យ៉ែម បុញ្ញឫទ្ធិ បញ្ជាក់ថា នៅមិនទាន់មានការបរិច្ឆេទពិតប្រាកដនៅឡើយទេ ខណៈដែលលោក សម រង្ស៊ី កំពុងបន្តដំណើរទស្សនកិច្ចនៅសហគមន៍អឺរ៉ុបបន្តទៀត។
No comments:
Post a Comment