2015-09-01 rfa
 |
| រដ្ឋសភានៃប្រទេសកម្ពុជា។ រូបថតថ្ងៃទី១ កញ្ញា ២០១៤
RFA/Rann Samnang
|
រដ្ឋសភានឹងដាក់សម្ពោធឲ្យប្រើប្រាស់សៀវភៅស្ដីពី "សេវាកម្មសំខាន់ៗសម្រាប់តំណាងរាស្ត្រនៅថ្ងៃសុក្រ សប្ដាហ៍នេះ។ ក៏ប៉ុន្តែអង្គការសង្គមស៊ីវិលដែលធ្វើកិច្ចការលើប្រព័ន្ធបោះឆ្នោតពុំមានជំនឿទាល់តែសោះថា សៀវភៅដែលរដ្ឋសភាគ្រោងនឹងសម្ពោធនេះ អាចបម្រើឲ្យសេចក្ដីត្រូវការពិតប្រាកដរបស់តំណាងរាស្ត្របាននោះទេ។
សៀវភៅដែលសភាដាក់សម្ពោធនៅថ្ងៃទី៤ ខែកញ្ញា ខាងមុខនេះ ត្រូវបានអង្គការមិនមែនរដ្ឋាភិបាលយល់ឃើញថា នឹងមិនអាចជួយអ្វីបានច្រើនឡើយ ដូចសេចក្ដីលម្អិតដែលរដ្ឋសភាប្រកាសថា សៀវភៅនេះនឹងផ្ដល់ភាពងាយស្រួលដល់តំណាងរាស្ត្រសម្រាប់ប្រតិបត្តិការរបស់ខ្លួននោះ។
ការរិះគន់របស់អង្គការក្រៅពីរដ្ឋាភិបាលដែលឃ្លាំមើលដំណើររដ្ឋសភានេះ ស្របពេលអគ្គលេខាធិការដ្ឋាននៃរដ្ឋសភា បានចេញសេចក្ដីជូនដំណឹងនៅថ្ងៃទី១ ខែកញ្ញា ថា សភានឹងដាក់សម្ពោធឲ្យប្រើប្រាស់សៀវភៅស្ដីពីសេវាកម្មសំខាន់ៗសម្រាប់តំណាងរាស្ត្រ នៅថ្ងៃទី៤ ខែកញ្ញា ខាងមុខនេះ។ សេចក្ដីប្រកាសព័ត៌មានរបស់រដ្ឋសភាបន្តថា សៀវភៅសភានេះនឹងផ្ដល់លទ្ធភាពងាយស្រួលដល់តំណាងរាស្ត្រដើម្បីទទួលបានសេវាគាំពារសំខាន់ៗ ពីមន្ត្រីជំនាញនៃអគ្គលេខាធិការដ្ឋានរបស់រដ្ឋសភា។ លើសពីនេះទៀត នឹងផ្ដល់នូវព័ត៌មានត្រឹមត្រូវជូនតំណាងរាស្ត្រ អំពីទិដ្ឋភាពច្បាប់ និងរចនាសម្ព័ន្ធសេវាកម្មរដ្ឋបាលផ្ទៃក្នុងរដ្ឋសភា។
អង្គការមិនមែនរដ្ឋាភិបាលយល់ឃើញថា ការអនុវត្តច្បាប់នៅកម្ពុជា ហាក់ដើរបញ្ច្រាសទិស។ រាល់ការចាប់ខ្លួន ឬឃុំខ្លួនតំណាងរាស្ត្រ ត្រូវដកហូតអភ័យឯកសិទ្ធិដោយមានគាំទ្រពីសមាជិកសភា ២ ភាគ ៣ ជាមុនសិន ទើបផ្តល់លទ្ធភាពឲ្យសមត្ថកិច្ចចាប់ខ្លួនបាន។ ក៏ប៉ុន្តែ ការអនុវត្តជាក់ស្ដែងនេះវិញ ហាក់មិនដូច្នេះឡើយ គឺចាប់ខ្លួនសិនទើបអនុវត្តតាមច្បាប់ជាក្រោយ។
ពាក់ព័ន្ធរឿងនេះ លោក សំ គន្ធាមី នាយកប្រតិបត្តិអង្គការនិចហ្វិក (NICFEC) អះអាងថា លោកពុំមានជំនឿទាល់តែសោះចំពោះសៀវភៅនេះ ថានឹងអាចជួយជំរុញឲ្យមានដំណើរល្អសម្រាប់កំណែទម្រង់របស់រដ្ឋសភា។ ម្យ៉ាងវិញទៀត តំណាងរាស្ត្រ ជាពិសេសតំណាងរាស្ត្រមកពីគណបក្សប្រឆាំង នឹងមិនទទួលបានផលចំណេញពេញលេញពីសៀវភៅនេះប៉ុន្មានទេ។ លោកបន្តថា «ការសន្និដ្ឋានរបស់ខ្ញុំបច្ចុប្បន្ននេះ នៅតែជួបការលំបាកមិនមែនដូចពាក្យលើកឡើងថា ផ្ដល់ភាពងាយស្រួលអីទេ សូម្បីតែបន្តិចទៀត លោកអាចសាកសួរតំណាងរាស្ត្រ ជាពិសេសគណបក្សប្រឆាំង ក៏នៅមានការត្អូញត្អែរដែរ។ ខ្ញុំឥតមានជំនឿថានឹងផ្តល់ភាពងាយស្រួលជូនដល់តំណាងរាស្ត្រ»។
សៀវភៅស្ដីពីសេវាកម្មសំខាន់ៗ សម្រាប់តំណាងរាស្ត្រដែលរដ្ឋសភាគ្រោងនឹងដាក់សម្ពោធឲ្យប្រើប្រាស់ក្នុងពេលឆាប់ៗនេះ មានពីរភាសា គឺជាភាសាខ្មែរ និងភាសាអង់គ្លេស។
ចំណែកលោក យឹម សុវណ្ណ មន្ត្រីនាំពាក្យគណបក្សសង្គ្រោះជាតិវិញ ហាក់ស្ទាក់ស្ទើរមិនហ៊ានធ្វើអត្ថាធិប្បាយជុំវិញរឿងនេះទេ ដោយលោកអះអាងថា ពុំទាន់ទទួលបានសេចក្ដីលម្អិតណាមួយរបស់សៀវភៅនេះនៅឡើយ។ ហេតុនេះលោកថ្លែងថា វាពិតជាពិបាកណាស់ក្នុងការផ្ដល់យោបល់ថាខុស ឬក៏ត្រូវនោះ។ លោកបន្តថា «មិនទាន់ឃើញសៀវភៅហ្នឹង ធ្វើម៉េចខ្ញុំធ្វើអត្ថាធិប្បាយកើត? មិនដឹងថាតើគេផ្ដល់សេវាអ្វីខ្លះ? សេវាសំខាន់ៗហ្នឹងស្អីខ្លះទៅ?»។
បើទោះជាបែបណា អង្គការសង្គមស៊ីវិលធ្លាប់រិះគន់ដំណើរការរបស់រដ្ឋសភាថា ពុំដែលសហការ ឬមានភាពយឺតយ៉ាវតែម្ដង រាល់ពេលស្នើសុំឈ្មោះ តួនាទី និងប្រវត្តិនៃការសិក្សាជាដើម ដើម្បីធ្វើបច្ចុប្បន្នភាពបញ្ជីឈ្មោះរបស់តំណាងរាស្ត្រពីមួយអាណត្តិទៅមួយអាណត្តិ ជាពិសេសភាពស្មុគស្មាញទាំងនេះ ជាញឹកញយកើតឡើងចំពោះគណបក្សកាន់អំណាច។ ក៏ប៉ុន្តែ អ្នកនាំពាក្យគណបក្សប្រជាជនកម្ពុជា លោក សុខ ឥសាន ធ្លាប់ច្រានចោលការចោទប្រកាន់នេះដោយលើកឡើងថា តំណាងរាស្ត្រគណបក្សប្រជាជនកម្ពុជា ពុំដែលបោះបង់កិច្ចសហការណាមួយរាល់ពេលស្នើសុំពីសង្គមការសង្គមស៊ីវិលម្ដងណាឡើយ៕
1 comment:
These congress even did not know exactly about their duties role and work in serving people. It is a real ridiculous in the eyes of Khmer people and the world media . You know why all this Cpp congress have no frequent activity around their voting community? because he or her got assign by the party committee but not vote by people .and they careless about their duties and role, because they not vote by people,Something they care about is to plead their top echelon order. They stay in the armpit of dictator can side with any idea from his top brass ,can't their express free opinion because they can get sack any time from their rank or power ,if the top don't like it . the 68 manufacturing dummy create by party power dictator have nothing to do from their own brain, they just wait the order from the gangster head to raise their hand instead of use their brain to decide , Even they know that thing are wrong but they don't have any gut or freedom to decided .Of to day they paid only to raise hand on order from the top or refuse it if the boss said no .It's a sad thing happened in this country, Khmer people even don't have true congress men or women to represent their opinion in the congress house. did you believe dummy congress in both parties not just CCP the CNRP as well have this problem . We Khmer country as a hole adopt this wrong mechanism to have a party to chose their representative instead of direct chose from People vote. this sorrow, hardship and difficult fact will not end and life of their constituencies will prolong as they not change this wrong style of ruling. I don't want to lambasted to role of this Khmer congress but is so long, beside they come out and demonize of Khmer wrong doing, we rarely see any one stand and protect the lawful interest of Khmer families of their constituencies .
Post a Comment