ដោយ៖ ស៊ុន ណារិន | ថ្ងៃព្រហស្បតិ៍ ទី16 កក្កដា 2015, 09:10 AM, (1)
លោកនាយករដ្ឋមន្រ្តី ហ៊ុន សែន នៅព្រឹកថ្ងៃព្រហស្បតិ៍នេះបានថ្លែងថារដ្ឋាភិបាលកម្ពុជានឹងបើកជាចំហចំពោះគណបក្សទាំងអស់និងអ្នកជំនាញផ្សេងៗ ចូលរួមពិនិត្យមើលផែនទីដែលអង្គការសហប្រជាជាតិនិងប្រទេសមហាអំណាចនឹងផ្តល់ឲ្យកម្ពុជានៅពេលខាងមុខ។
កាលពីថ្ងៃពុធ លោកនាយករដ្ឋមន្រ្តី ហ៊ុន សែន បានសរសេរលិខិតមួយទៅថ្នាក់ដឹកនាំប្រទេសមហាអំណាចចំនួន៣ គឺបារាំង អង់គ្លេស និងសហរដ្ឋអាមេរិក ដោយស្នើសុំខ្ចីផែនទី និងសុំជំនួយជាអ្នកជំនាញខាងផែនទី ដើម្បីជួយកម្ពុជាក្នុងការផ្ទៀងផ្ទាត់ផែនទីដែលរដ្ឋាភិបាលកំពុងតែប្រើប្រាស់។ ចំណែកកាលពីថ្ងៃទី០៦ខែកក្កដា លោកនាយករដ្ឋមន្រ្តី ហ៊ុន សែន បានសរសេរលិខិតមួយច្បាប់ទៅអគ្គលេខាធិការអង្គការសហប្រជាជាតិ លោក បាន គីមូន ដោយស្នើសុំផែនទីកម្ពុជាដែលតម្កល់នៅអង្គការប្រជាជាតិ មកពិនិត្យផ្ទៀងផ្ទាត់ជាមួយផែនទីដែលរដ្ឋាភិបាលបានប្រើប្រាស់ដោះស្រាយបញ្ហាព្រំដែនជាមួយប្រទេសជិតខាង។ តំណាងរាស្រ្តបក្សប្រឆាំងបានស្នើសុំឲ្យមានការចូលរួមពីភាគីចម្រុះចូលរួមពិនិត្យផែនទីទាំងនោះ។
ក្នុងពិធីចែកសញ្ញាបត្រដល់និស្សិតនៅវិទ្យាស្ថានជាតិអប់រំ លោកនាយករដ្ឋមន្រ្តីបានថ្លែងថាសមាជិកគណបក្សសង្រ្គោះជាតិបានចោទរដ្ឋាភិបាលថាប្រើប្រាស់ផែនទីក្លែងក្លាយ បើទោះលោក សម រង្ស៊ី ប្រធានគណបក្សប្រកាសថាគណបក្សសង្រ្គោះជាតិមិនដែលចោទប្រកាន់នោះទេ។ លោកបន្តថារដ្ឋាភិបាលនិងរូបលោកមិនអាចទ្រាំនឹងការចោទប្រកាន់លើការប្រើប្រាស់ផែនទីក្លែងក្លាយនេះបានទេ។ លោកបញ្ជាក់ថា៖«ព្រោះវាអយុត្តិធម៌ណាស់សម្រាប់ខ្ញុំព្រះករុណា ឬរាជរដ្ឋាភិបាលកម្ពុជា។ អញ្ចឹងទេត្រូវធ្វើរឿងនេះឲ្យដល់កោះដល់ត្រើយ»។ លោកហ៊ុន សែន ក៏បានប្រកាសថារដ្ឋាភិបាលកម្ពុជានឹងបើកឲ្យបក្សប្រឆាំង ឬបក្សណាក៏ដោយ ព្រមទាំងអ្នកជំនាញ ចូលរួមដើម្បីត្រួតពិនិត្យ។
លោកនាយករដ្ឋមន្រ្តី ហ៊ុន សែន ក៏បានស្នើសុំការយោគយល់ពីប្រធានាធិបតីបារាំង និងស្នើសុំការយល់ព្រមប្រគល់ផែនទីដែលបារាំងបានរក្សាទុកជូនមកកម្ពុជា។ លោក ហ៊ុន សែន បានបញ្ជាក់ថាប្រទេសបារាំងនិងអាមេរិកប្រាកដជាមានផែនទីរបស់កម្ពុជាខ្នាត១/១០០០០០ តែលោកថាប្រទេសអង់គ្លេសអាចនឹងមិនមានផែនទីរបស់កម្ពុជា។
លិខិតមួយច្បាប់ដាក់ទៅប្រធានាធិបតីបារាំង លោក Francois Hollandeឲ្យដឹងថាប្រទេសបារាំងជាអ្នកផលិតផែនទីបោន(Bonne)ខ្នាត១/១០០០០០ ដែលត្រូវបានបោះពុម្ពដោយក្រុមភូមិសាស្រ្តឥណ្ឌូចិនស្តីពីព្រំដែនគោករវាងកម្ពុជានិងប្រទេសជិតខាង ជាពិសេសជាមួយប្រទេសវៀតណាម។ ក្នុងលិខិតនោះ លោកនាយករដ្ឋមន្រ្តី ហ៊ុន សែន បានស្នើសុំផ្តល់ផែនទីចម្លងរបស់កម្ពុជាដែលបារាំងមាន។ លោក ហ៊ុន សែន បានបញ្ជាក់ថា«ការស្នើសុំខាងលើនេះ គឺដើម្បីជាឧត្តមប្រយោជន៍នៃប្រទេសកម្ពុជា និងប្រជាជនកម្ពុជាទាំងមូល និងក្នុងគោលបំណងបញ្ជាក់ច្បាស់អំពីភាពហ្មត់ចត់ និងភាពត្រឹមត្រូវរបស់រាជរដ្ឋាភិបាលកម្ពុជានៅក្នុងការរៀបចំ និងអនុវត្តការងាររបស់ខ្លួនក្នុងការកំណត់ និងបោះបង្គោលព្រំដែនរវាងព្រះរាជាណាចក្រកម្ពុជាជាមួយនឹងប្រទេសជិតខាង»។
លោកនាយករដ្ឋមន្រ្តីបន្តថាការសុំនេះគឺក្នុង«គោលបំណងបញ្ចៀស និងបញ្ចប់នូវការញុះញង់បង្កើតស្មារតីជាតិនិយមជ្រុល ហើយដែលអាចធ្វើឲ្យមានការភាន់ច្រឡំនៅក្នុងចំណោមសាធារណមតិជាតិ និងអន្តរជាតិដែលជាប្រការអាចបង្កើតគ្រោះមហន្តរាយដ៏ធំធេងដល់ជាតិកម្ពុជា»។ លោក ហ៊ុន សែន បញ្ជាក់បន្ថែមថា«ការស្នើសុំនេះក៏ក្នុងគោលបំណងកសាងនូវព្រំដែនជាមួយនឹងប្រទេសជិតខាងប្រកបដោយសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ ព្រមទាំងប្រកបដោយតម្លាភាពចំពោះប្រជាជាតិកម្ពុជាទាំងមូល»។
ចំណែកលិខិតផ្ញើទៅនាយករដ្ឋមន្រ្តីចក្រភពអង់គ្លេស លោកDavid Cameron ឲ្យដឹងថាព្រះបរមរតនកោដ្ឋធ្លាប់មានទំនាក់ទំនងជាមួយអង់គ្លេសលើការផ្ញើផែនទីនេះ ដូច្នេះប្រទេសអង់គ្លេសអាចនឹងមានផែនទីរបស់កម្ពុជា។ លិខិតបញ្ជាក់ថាក្នុងករណីដែលបារាំងមាននូវផែនទីដែលទទួលបានពីរដ្ឋាភិបាលកម្ពុជានាទស្សវត្សរ៍ឆ្នាំ១៩៦០ កម្ពុជាសុំស្នើខ្ចីផែនទីទាំងអស់នោះ និងស្នើសុំអ្នកឯកទេសខាងផែនទីមកជួយកម្ពុជាក្នុងការផ្ទៀងផ្ទាត់។ ចំណែកលិខិតទៅប្រធានាធិបតីអាមមេរិក លោក បារ៉ាក់ អូបាម៉ា ឲ្យដឹងថាកម្ពុជាធ្លាប់មានទំនាក់ទំនងកាលពីអតីតកាលលើការងារមួយចំនួនទាក់ទងនឹងផែនទី។ លិខិតបន្តថាកម្ពុជាសង្ឃឹមថារដ្ឋាភិបាលអាមេរិកនៅរក្សាទុកនូវផែនទីរវាងកម្ពុជានិងប្រទេសជិតខាង។ បើតាមលិខិត លោកនាយករដ្ឋមន្រ្តី ហ៊ុន សែន បានសុំខ្ចីផែនទី និងស្នើសុំជំនួយពីអាមេរិកក្នុងការបញ្ជូនអ្នកឯកទេសខាងផែនទី មកកម្ពុជាដើម្បីផ្ទៀងផ្ទាត់ផែនទី។
លោក អ៊ុំ សំអាន តំណាងរាស្រ្តគណបក្សប្រឆាំងដែលចោទថារដ្ឋាភិបាលប្រើប្រាស់ផែនទីក្លែងក្លាយ ធ្លាប់មានប្រសាសន៍ថាមានតែផែនទីតម្កល់នៅអង្គការសហប្រជាជាតិទេ ដែលអាចធ្វើឲ្យសាធារណជនអាចដឹងថាតើរដ្ឋាភិបាលប្រើប្រាស់ផែនទីក្លែងក្លាយ ឬយ៉ាងណា។ លោកស្នើសុំឲ្យមានការចូលរួមពីភាគីចម្រុះក្នុងការផ្ទៀងផ្ទាត់ផែនទីទាំងនេះ។ លោកបញ្ជាក់ថា«ការផ្ទៀងផ្ទាត់ហ្នឹងផងដែរ សុំឲ្យមានការចូលរួមពីគណបក្សប្រឆាំង តំណាងរដ្ឋាភិបាល សង្គមស៊ីវិល និងអ្នកជំនាញព្រំដែន និងតំណាងអគ្គលេខាធិការអង្គការសហប្រជាជាតិ។ យើងស្វាគមន៍នឹងការសុំផែនទីពីអង្គការសហប្រជាជាតិ ហើយយើងនឹងរង់ចាំផ្ទៀងផ្ទាត់ផែនទីដែលយើងមានជាមួយផែនទីនោះ»៕
សរសេរមកកាន់លោក ស៊ុន ណារិន តាមរយៈsun_narin@vodhotnews.com
1 comment:
Dear Khmer and foreign readers:
Drgunzet is a Vietnamese/Yuon spammer or troller based in Boise, Idaho.
This Yuon/Vietnamese troublemaker have created messes and messed up with everyone on the internet forum.
This Vietnamese poster has tried too hard to protect his Vietnamese/Yuon from having bad reputation, being embarrassed, being called nation of thieves (who took land from China "North Vietnam", Champa "Central Vietnam" and Cambodia/Khmer Kampuchea Krom "Southern Vietnam"), and being called a manipulators (lobbyists) at the UN to make a fool and confusion, and beyond until today.
Khmer Yeourng
P.S. Yuon/Vietnamese parasite/spammer Drgunzet still shows the stupidities and dumbs of Yuon/Vietnamese thieves and folks until to these days. The World knows it all. Let Drgunzet do or post it until Yuon/Vietnamese folks and thieves (killers) become famous as the really disgusted and deadly Yuon/Vietnaemse folks (landless folks from no where).
Post a Comment