ប្រែសម្រួលដោយ៖ នួន បូរិន | ថ្ងៃពុធ ទី10 ធ្នូ 2014,
នៅសល់តែប៉ុន្មានថ្ងៃទៀតប៉ុណ្ណោះ គឺជាពេលវេលាមួយដែលនឹងប្រាប់ថា លោក ហ៊ុន សែន ដែលពួក លោកខាងលិចហៅថា “បុរសខ្លាំងនៅកម្ពុជា” និងអ្នកគាំទ្ររបស់លោកហៅថាជារដ្ឋបុរសដ៏អស្ចារ្យ នៃ រាជាណាចក្រកម្ពុជា នឹងបានកាន់អំណាចជានាយករដ្ឋមន្ត្រីដ៏មានឥទ្ធិពលរយៈពេល៣០ឆ្នាំគត់ បើចាប់រាប់ពីខែមករា ឆ្នាំ១៩៨៥ មក ។
លោក ហ៊ុន សែន ត្រូវបានកាសែតអាមេរិកវ៉ាស៊ិនតោនប៉ុស្តិ៍ ចាត់ចំណាត់ថ្នាក់ជាមេដឹកនាំកាន់អំណាច ដ៏យូរក្នុងចំណោមមេដឹកនាំ២៣រូបទៀត ដែលមិនព្រមចាកចេញពីតំណែង បើទោះជាមានបាតុកម្មទាមទារឲ្យលាលែង ឬ ចាញ់ឆ្នោតក៏ដោយ ។
កាសែតវ៉ាស៊ិនតោនប៉ុស្តិ៍ បានឲ្យដឹងថាលោក ហ៊ុន សែន ជាមេដឹកនាំលំដាប់ទី៦នៃមេដឹកនាំ២៣រូប ដែលបានកាន់អំណាចរយៈពេល៣០ឆ្នាំ ។ មេដឹកនាំប្រទេសកាមេរូន បច្ចុប្បន្នកាន់អំណាចជិត៤០ឆ្នាំ ។ ប៉ុន្តែការកាន់តំណែងដ៏យូររបស់លោក ហ៊ុន សែន គឺមានទាំងជោគជ័យ រីកចម្រើន ភ័យខ្លាច និទណ្ឌភាព បក្សពួក គ្រួសារនិយម និងពុករលួយ ។
ប្រវត្តិតស៊ូ និងតួនាទីរបស់លោក ហ៊ុន សែន នៅមុនលោកកាន់តំណែងជានាយករដ្ឋមន្ត្រី
លោក ហ៊ុន សែន កើតនៅថ្ងៃទី៥ ខែសីហា ឆ្នាំ១៩៥២ ជាកូនគ្រួសារកសិករមួយនៅខេត្តកំពង់ចាម ។ នៅអាយុ១៦ឆ្នាំ ហើយកំពុងរៀននៅអនុទ្យាល័យ លោក ហ៊ុន សែន បានចូលរួមចលនាតស៊ូនៃរបបខ្មែរក្រហម ។ ឆ្លងតាមរយៈនេះ លោក ហ៊ុន សែន បានឡើងកាន់តំណែងជាបន្តបន្ទាប់ មានទាំងតួនាទីជាមេបញ្ជាការរងផ្នែកមួយនៃកងទ័ពខ្មែរក្រហម ហើយមានសំណាងល្អជាងគេ ដោយលោក ហ៊ុន សែន បានរត់ភៀសខ្លួនទៅតស៊ូពីប្រទេសវៀតណាមនៅឆ្នាំ១៩៧៧ ហើយត្រឡប់មកវាយផ្តួលរំលំកម្មាភិបាលរបស់ខ្លួនវិញ ។
ដោយមានការជួយជ្រោមជ្រែងពីកងទ័ពវៀតណាម របបខ្មែរក្រហមត្រូវបានផ្ដួលរំលំ ។ លោកហ៊ុន សែន បានវិលត្រឡប់មកកាន់ក្រុងភ្នំពេញវិញ ជាមួយការការពារយ៉ាងរឹងមាំ ពីកងទ័ពវៀតណាម និង បានឡើងតំណែងជាបន្តបន្ទាប់ ។ រយៈពេល១៨ខែ ក្រោយពីរបបខ្មែរត្រូវផ្ដួលរំលំ លោកត្រូវបានបក្សកុម្មុយនិស្តកម្ពុជា តែងតាំងជារដ្ឋមន្ត្រីការបរទេស ហើយមានឋានៈមួយទៀតជាអនុប្រធានក្រុមប្រឹក្សារដ្ឋមន្ត្រី គឺនៅឆ្នាំ១៩៨១ ប៉ុន្តែនៅគ្រានោះ គេហៅថារដ្ឋាភិបាលលើកបន្តុបដោយក្រុងហាណូយ ។
ការចាប់ផ្ដើមល្បីឈ្មោះរបស់លោក ហ៊ុន សែន
លោក ហ៊ុន សែន ចាប់ផ្ដើមល្បីឈ្មោះបន្តិចម្ដងៗ តាមរយៈតំណែងរបស់លោកជារដ្ឋមន្ត្រីការបរទេស នៃរបបសាធារណៈរដ្ឋប្រជាមានិតកម្ពុជា ហើយពេលនោះលោកបានប្រើវោហាសាស្ត្រដ៏ប៉ិនប្រសប់ វាយប្រហារលើក្រុមសមាគមប្រជាជាតិអាស៊ីអគ្នេយ៍ ឬសមាគមអាស៊ាន ដែលជាប្លុកសេរី ហើយកម្ពុជា ពេលនោះស្ថិតក្នុងរបបកុម្មុយនិស្ត។ នៅតាមវេទិកាបក្សកុម្មុយនិស្ត ឬកិច្ចប្រជុំកម្មាភិបាលថា្នក់មជ្ឈិម ថ្នាក់ ភូមិភាគ តំបន់ ឬខេត្តក្ដី លោកគឺជាអ្នកនយោបាយតែម្នាក់គត់ ដែលប្រើប្រាស់វេទិកាទាំងនេះ និយាយពីភាពខុសគ្នារវាងរបបសេរី និងកុម្មុយនិស្ត ជាពិពេសលោ ធ្វើការរិះគន់ខ្លាំងៗទៅលើសមាគមអាស៊ាន ដោយចាត់ទុកថា ជាក្រុមប្រតិកិរិយា ឬក្រុមអន់ថយមិនជឿនលឿន ។
លោកកាន់តែលិចមុខមាត់ថែមទៀត គឺនៅពេលដែលលោកធ្វើជាប្រធានក្រុមចរចានៅ JIM1 JIM2 ជាមួយប្រធានក្រុមចរចារដ្ឋាភិបាលត្រីភាគី គឺសម្ដេចព្រះបាទនរោត្តម សីហនុ នៅក្រុងហ្សាការតា ប្រទេសឥណ្ឌូណេស៊ី ។ ការចរចានៅពេលនោះគឺនៅចុងទសវត្ស១៩៨០ ខណៈលោកជាប្រធានក្រុមប្រឹក្សារដ្ឋមន្ត្រីនៃរដ្ឋកម្ពុជា ។
ការចរចា JIM1 JIM2 បានលើកទៅធ្វើនៅទីក្រុងប៉ារីស ដែលពេលនោះហើយឈ្មោះរបស់លោកហ៊ុន សែន កាន់តែធ្វើឲ្យអន្តរជាតិតាមដានសកម្មភាពរបស់លោក ព្រោះថាសមភាគីរបស់លោកមានតែមួយគត់ គឺសម្ដេចព្រះបាទនរោត្តម សីហនុ ដែលអន្តរជាតិទទួលស្គាល់ជាអ្នកនយោបាយជើងចាស់ ។
នៅទីបំផុតការចរចាបានលទ្ធផលជាផ្លែផ្កា ហើយគូជម្លោះនយោបាយខ្មែរ សម្រេចចុះកិច្ចព្រមព្រៀង បញ្ចប់សង្គ្រាមស៊ីវិលនៅកម្ពុជា នៅថ្ងៃ២៣ ខែតុលា ឆ្នាំ១៩៩១ ដែលគេហៅថា “កិច្ចព្រមព្រៀងសន្តិភាពក្រុងប៉ារីស ២៣ តុលា” នៅក្រោមការធ្វើជាសាក្សី និងសម្របសម្រួលរបស់សហគមន៍អន្តរជាតិ ។
លោក ហ៊ុន សែន កាន់តែល្បីទៀតនៅពេលដែលលោកសម្រេចយាងសម្ដេចព្រះបាទនរោត្តម សីហនុ មកកាន់កម្ពុជានៅឆ្នាំ១៩៩២ ។ សម្ដេចព្រះបាទនរោត្តមសីហនុ បានយាងមកធ្វើជាព្រះប្រធាន ក្រុមប្រឹក្សាជាតិជាន់ខ្ពស់ SNC ខណៈលោក ហ៊ុន សែន ទាមទារធ្វើជាសហប្រធាន តែក្រោយមក លោកបានបោះបង់ចោលវិញ ។
ការឡើងកាន់តំណែងរបស់លោក ហ៊ុន សែន ជានាយករដ្ឋមន្ត្រីគឺជាសំណាងមួយដ៏កម្រកើតមាន
លោកហ៊ុន សែន ឡើងកាន់តំណែងនៅពេលលោកមានអាយុ៣២ឆ្នាំ ។ គួរកត់សំគល់ថា កាលណោះប្រទេសកម្ពុជាមានព្រឹត្តិការណ៍ពីរកើតឡើងបន្តបន្ទាប់គ្នា ។ លោក ប៉ែន សុវណ្ណ បានកាន់អំណាចជាប្រធានក្រុមប្រឹក្សារដ្ឋមន្ត្រី នៃរបបសាធារណរដ្ឋប្រជាមានិតកម្ពុជា ប្រហែលជា៤ឆ្នាំប៉ុណ្ណោះ ។ លោកត្រូវបានដកហូតតំណែងដោយរដ្ឋាភិបាលសង្គមនិយមវៀតណាម ដែលកាលនោះ គេហៅថាជាប្រទេសត្រួតត្រាកម្ពុជា ។ កំហុសរបស់លោក ប៉ែន សុវណ្ណ គឺជារឿងប្រវត្តិសាស្ត្រ ដែលលោកប្រឆាំងនឹងការដាក់កូនបញ្ចូនចៅជនជាតិវៀតណាមមកកាន់កម្ពុជា និងមួយទៀតគឺ លោកជំទាស់ផែនការ «ក៥» ។ រឿងរ៉ាវនេះនាំឲ្យលោក លែងទទួលបានការទុកចិត្តពីវៀតណាម ហើយនាំឲ្យលោក ត្រូវនាំខ្លួនទៅដាក់ពន្ធនាគារនៅក្រុងហាណូយ ។
រឿងមួយទៀតគឺលោក ចាន់ ស៊ី ដែលវៀតណាមលើកបន្ទុប ក៏ឈឺស្លាប់ភ្លាមៗបន្ទាប់ពីកាន់អំណាចបាន ជាង១ឆ្នាំ គឺលោកស្លាប់នៅខែធ្នូ ឆ្នាំ១៩៨៤ ។ តាមព័ត៌មានមិនផ្លូវការថា ពេលនោះលោក ចាន់ស៊ី ក៏ជាអ្នកប្រឆាំងវៀតណាមករណីរៀបចំផែនការ«ក៥» នេះដែរ ។
ជាភ័ព្វសំណាងមួយ បាននាំឲ្យលោក ហ៊ុន សែន ត្រូវបានតែងតាំងជាប្រធានក្រុមប្រឹក្សារដ្ឋមន្ត្រី នៅខែមករា ឆ្នាំ១៩៨៥ គឺភ្លាមៗ បន្ទាប់ពីលោក ចាន់ ស៊ី ទទួលមរណភាព ។ ក្នុងឋានៈជានាយករដ្ឋមន្ត្រី លោកហ៊ុន សែន បានកែលម្អមុខមាត់ជាមួយវៀតណាមឡើងវិញ និងកាន់តែប្រសើរជិតស្និតថែមទៀត ។
លោកតំណាងឲ្យភាគីកម្ពុជា ដែលចុះហត្ថលេខាជាមួយសមភាគីវៀតណាម លើកិច្ចព្រមព្រៀង ផែនទីដ៏ចម្រូងចម្រាស ឆ្នាំ១៩៨៣-៨៥ ដែលក្រុមប្រឆាំងចោទថា ជាកិច្ចព្រមព្រៀងមួយធ្វើឲ្យកម្ពុជាបាត់ដីព្រំដែនទៅវៀតណាម ។ តែគណបក្សប្រជាកម្ពុជាបច្ចុប្បន្នបដិសេធ ។ គ្រានោះហើយដែលលោក ហ៊ុនសែន បានទប់លំនឹងឋានៈរបស់លោកជាមួយវៀតណាមបានយ៉ាងរឹងមាំ ។
អំណាចរបស់លោក ហ៊ុន សែន ហៀបនឹងរបូតម្ដងនៅឆ្នាំ១៩៩៣
តាមរយៈការបោះឆ្នោតសភាលើកដំបូងនៅឆ្នាំ១៩៩៣ ក្រោមការចាត់ចែងដោយអង្គការសហប្រជាតិ ដោយមានគណបក្សនយោបាយចំនួន៣៥ចូលរួម គណបក្សប្រជាជនកម្ពុជាដែលចេញមកពីបក្សកុម្មុយនិស្តកម្ពុជាបានចាញ់ឆ្នោត ពោលគឺចាញ់គណបក្ស ហ្វ៊ុនស៊ិនប៉ិច របស់សម្ដេចក្រុមព្រះនរោត្តមរណឬទ្ធិ ។ គណបក្សប្រជាជនកម្ពុជា ដែលមានកងទ័ពក្នុងដៃបានប្រឆាំងលទ្ធផលឆ្នោត ហើយមេទ័ពរបស់គណបក្សនេះ បង្កើតតំបន់អបគមន៍ នៅភាគខាងកើតទន្លេមេគង្គ ។ សម្ដេចនរោត្តម សីហនុ ដែលភ័យខ្លាចការបែកបាក់ជាតិជាថ្មីទៀត ហើយក្នុងនាមព្រះអង្គជាប្រធានក្រុមប្រឹក្សាជាតិជាន់ខ្ពស់ទៀតផងនោះ ក៏ប្រើសិទ្ធិជាមេដឹកនាំបង្កើតរាជរដ្ឋាភិបាលមួយ ដែលមាននាយករដ្ឋមន្ត្រីពីររូប ដែលគេហៅថា សហនាយករដ្ឋមន្ត្រី ។ សម្ដេចក្រុមព្រះប្រធានគណបក្ស ហ្វ៊ុនស៊ិនប៉ិច ជានាយករដ្ឋមន្ត្រីទី១ ហើយលោក ហ៊ុន សែន ជានាយករដ្ឋមន្ត្រីទី២ ។ មិនបានប៉ុន្មានផង សហនាយករដ្ឋមន្ត្រីទាំងពីរបែកបាក់គ្នា ហើយឈានដល់ការផ្ទុះអាវុធបាញ់សម្លាប់គ្នានៅកណ្ដាលក្រុងភ្នំពេញ ឆ្នាំ១៩៩៧ ។ ព្រឹត្តិការណ៍នោះធ្វើឲ្យលោកហ៊ុន សែន ឈ្នះសម្ដេចក្រុមព្រះ ហើយបានកាន់តំណែងបន្តទៀត ជាសហនាយករដ្ឋមន្ត្រីទី២ដដែល ជាមួយនាយករដ្ឋមន្ត្រីទី១ លើកបន្ទុបដោយសភាគឺលោក អឹង ហួត ដែលជាអ្នកនយោបាយបោះបង់អាជីព ។
មានការទារទារឲ្យលោក ហ៊ុន សែន លាលែងពីតំណែង
លោក ហ៊ុន សែន និងគណបក្សប្រជាជនកម្ពុជា ក្លាយជាអ្នកគ្រប់គ្រងស្ថាប័នរដ្ឋ ។ ស្ថាប័នមួយដែលជាអ្នកវិនិច្ឆ័យលើអ្នកណាឈ្នះ អ្នកណាចាញ់ បក្សណាត្រូវឡើងកាន់អំណាច គឺគណៈកម្មាធិការជាតិរៀបចំការបោះឆ្នោត គ.ជ.ប ។
ស្ថាប័ននេះត្រូវបានក្រុមបក្សប្រឆាំងរិះគន់ថា ជាឧបករណ៍នយោបាយមួយជួយបង្កើនសន្លឹកឆ្នោត ទៅឲ្យគណបក្សប្រជាជនកម្ពុជាឲ្យបន្តកាន់អំណាច ។
មានព្រឹត្តិការណ៍ជាច្រើនបានកើតឡើង ក្រោយពីអង្គការសហប្រជាជាតិដកចេញពីកម្ពុជា ។ ប៉ុន្តែព្រឹត្តិការណ៍ ដែលប្រជាជនធ្វើបាតុកម្មដ៏ធំ ទាមទារឲ្យលោក ហ៊ុន សែន លាលែងពីតំណែងឃើញថា មានចំនួនពីរគឺឆ្នាំ១៩៩៨ និង២០១៣ ។
មានព្រឹត្តិការណ៍ជាច្រើនបានកើតឡើង ក្រោយពីអង្គការសហប្រជាជាតិដកចេញពីកម្ពុជា ។ ប៉ុន្តែព្រឹត្តិការណ៍ ដែលប្រជាជនធ្វើបាតុកម្មដ៏ធំ ទាមទារឲ្យលោក ហ៊ុន សែន លាលែងពីតំណែងឃើញថា មានចំនួនពីរគឺឆ្នាំ១៩៩៨ និង២០១៣ ។
នៅឆ្នាំ១៩៩៨ ដែលជាការបោះឆ្នោតមួយរៀបចំដោយកម្ពុជាខ្លួនឯង គឺពេលនោះមានបាតុកម្មដ៏ធំមួយ ផ្ទុះឡើង គឺជាព្រឹត្តិការណ៍ប្រឆាំងលទ្ធផលបោះឆ្នោត ។ ប្រជាជនរាប់ម៉ឺននាក់បានចុះដើរតាមដងផ្លូវនានា នៅរាជធានីភ្នំពេញ ដោយដាក់សម្ពាធឲ្យលោក ហ៊ុន សែន ចុះចេញពីតំណែង ព្រោះពួកគេចោទថា លោកជាប់ឆ្នោតតាមរយៈស្ថាប័ន គ.ជ.ប ដែលជួយលួចសន្លឹកឆ្នោត ។ បាតុករមានទាំងអ្នកនយោបាយ ព្រះសង្ឃ កម្មករ កសិករ ក្រុមអាជីវករ ហើយបាតុកម្មនេះដឹកនាំដោយលោក សម រង្ស៊ី សម្ដេចក្រុមព្រះ និងលោក កឹម សុខា ។ បាតុកម្មប្រមូលផ្ដុំ និងបោះតង់នៅខាងមុខអតីតមន្ទីររដ្ឋសភា ក្បែរព្រះបរមរាជវាំង ដោយមានរយៈជាច្រើនខែ ។ បាតុករបានថ្លែងវាយប្រហារ បកអាក្រាតគណបក្សប្រជាជនកម្ពុជា និងលោក ហ៊ុន សែន យ៉ាងខ្លាំង ។ តែទីបំផុតត្រូវបានសមត្ថកិច្ចចម្រុះ ទាំងនគរបាល កងរាជអាវុធហត្ថ បើក រថពាសដែកបរបុក និងបាញ់បង្ក្រាប ធ្វើឲ្យស្លាប់ និងរបួស បាតុកររាប់សិបនាក់ ។ ក្រោយមកមានដំណោះស្រាយនយោបាយមួយកើតឡើង ដែលឲ្យលោក ហ៊ុន សែន បន្តកាន់តំណែងនេះទៀត ។
ចំណែកព្រឹត្តិការណ៍ក្រោយថ្ងៃបោះឆ្នោត ២៨ កក្កដា ២០១៣ គឺមានភាពដូចគ្នានឹងបាតុកម្ម ក្រោយ ថ្ងៃបោះឆ្នោត ២៨ កក្កដា ១៩៩៨ ដែរ គឺទាមទារឲ្យបោះឆ្នោតឡើងវិញ តែក្រោយមកបានក្លាយជា បាតុកម្មទាមទារឲ្យលោក ហ៊ុន សែន លាលែងពីតំណែង ។ បាតុករបោះជំរំស្នាក់អាស្រ័យនៅ ទីលានប្រជាធិបតេយ្យ រយៈពេលជាច្រើនខែ ។ បាតុករមកពីគ្រប់ខេត្តក្រុង ហើយមានចំនួនជិត ១លាននាក់ ។ បាតុកម្មនេះដឹកនាំដោយលោក សម រង្ស៊ី និងលោក កឹម សុខា ប្រធាន និងអនុប្រធានគណបក្សសង្គ្រោះជាតិ ។ បាតុករវាយប្រហារ និងបកអាក្រាតយ៉ាងខ្លាំង លើ លោកហ៊ុន សែន និងគណបក្សប្រជាជនកម្ពុជា ។ តែទីបំផុតត្រូវបានវាយបង្គ្រាប ។
ករណីរំលោភសិទ្ធិមនុស្ស
យ៉ាងហោចណាស់ មានមេធាវីសិទ្ធិមនុស្សអន្តរជាតិចំនួនពីររូប កសាងសំនុំរឿងរំលោភសិទ្ធិមនុស្ស នៅកម្ពុជា ដាក់ប្ដឹងមន្ត្រីកម្ពុជាទៅកាន់តុលាការព្រហ្មទណ្ឌអន្តរជាតិ ICC ក្នុងនោះអាចមានឈ្មោះលោក ហ៊ុន សែន មួយរូបដែរព្រោះលោកជាមេដឹកនាំកម្ពុជា ។
សំនុំរឿងដែលប្ដឹងទៅ ICC គឺមានដូចជា ការបណ្ដេញចេញពីលំនៅដ្ឋានដោយបង្ខំ ការដុតលំនៅដ្ឋាន ផ្ទះអ្នកស្រុក ការបង្ករបួសស្នាម ការចាប់អ្នកតវ៉ាដាក់ពន្ធនាគារ ការវាយបង្រា្កបបាតុករ និងករណីហិង្សា នយោបាយជាដើម ដែលក្រុមមេធាវីអះអាងថាជាបទល្មើសមួយប្រឆាំងមនុស្សជាតិ ។
តែបែបនេះក្ដី មន្ត្រីរដ្ឋាភិបាលកម្ពុជាចាត់ទុកបណ្ដឹងរបស់មេធាវីអន្តរជាតិនេះថា មិនប៉ះពាលដល់លោក ហ៊ុន សែន ឡើយ ។ លោក ហ៊ុន សែន ប្រកាសថា លោកនឹងបោះបង់តំណែង នៅពេលលោកមានអាយុ៧៤ឆ្នាំ ហើយបច្ចុប្បន្នលោកមានអាយុ៦៣ឆ្នាំ ។ បើលោកចុះចេញពីតំណែង នៅពេលលោកដល់អាយុ៧៤ឆ្នាំ មានន័យថា លោកបន្តកាន់តំណែងនាយករដ្ឋមន្ត្រីរយៈពេល១១ឆ្នាំទៀត គឺស្មើនឹង៤១ឆ្នាំ ។
ចាប់តាំងពីរបបអាណានិគមបារាំងមក គឺកម្ពុជាមាននាយករដ្ឋមន្ត្រីចំនួន៣៦រូបហើយ គឺរាប់ត្រឹមលោកហ៊ុន សែន ដែលជាមេដឹកនាំតែមួយគត់នៃកម្ពុជា កាន់អំណាចយូរជាងគេ ៕
សូមសរសេរមកលោក នួន បូរិន តាមរយៈ narinnun@vodhotnews.com
2 comments:
Begin of Drgunzet's comment.
I think Mr. Hun Sen can rule for another 12 years, 2 and a half terms. By the middle of his final term, he will transit the power to his son so that his legacy can be continued.
I wish his plan will succeed. He has been the one who brought stability in Cambodia, jobs and new livelihood for the poors. The opposition has been the ones who were attacking stability, jobs to hurt the poor so that Mr. Hun Sen must share power.
The opposition has no international backing and the only way they can get Mr. Hun Sen to share power is to attack jobs, hurt the poors.
I have an older friend who has a very trouble teenager. She refused to go to college and demanded her father to give her this, drive her to visit her boyfriend that. If he does not agree, she threatens to run away from home, get pregnant then come home to shame her father. That's the same technique the opposition has been doing against Mr. Hun Sen, hitting where Mr. Hun Sen cares the most: jobs and the poor.
The opposition has no army, no power, they cannot fight Mr. Hun Sen directly. They can only make a scene, create chaos to drive jobs away until Mr. Hun Sen agrees to share power.
I have already suggest the opposition to protest on Facebook, but such method is weak as compared to directly burning the factories or block traffics, create fights then capture videos or tricked protesters to get killed. See for yourselves, the opposition is very nasty and evil.
The opposition Youth, CNRP offered to kill other people who they never even met, thousand of miles away then asked for help to kill the Vietnamese. That's evil. (This is a reference to CNRP's youths offer to fight ISIS for help to fight over Koh Tral.)
I assume fighting ISIS means shooting ISIS with guns, not doing some mud wrestling or tickling the opponents till they quit. There was some Western dudes who joined the fight against ISIS and were shocked/regretting after they experienced blood and carnage.
Well, Khmer race is natural at chopping, butchering people though. I was told of stories that the Khmer Rouges enjoyed ripping babies out of mothers womb, that they got credits for 2 kills for the price of one. I was a laborer in a team with 3 Khmers so I was told many horrible stories.
-Drgunzet-
Hun sen is a prett from the hell too?………Asorikay
Post a Comment