លោក ឈាង វុន សមាជិកគណៈកម្មាធិការអចិន្ត្រៃយ៍នៃរដ្ឋសភា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា ក្នុងកម្មវិធីកិច្ចពិភាក្សាកាលពីយប់ថ្ងៃ២៨ តុលា ឆ្នាំ២០១៣។
RFA
បណ្ដាញព្រះសង្ឃឯករាជ្យ ដើម្បីយុត្តិធម៌សង្គម ចាត់ទុក សកម្មភាពអ្នកតំណាងរាស្ត្រ ឈាង វុន ក្នុងការទិញស្រាបៀរ និងចែកចាយឲ្យមនុស្ស ផឹកក្នុងវត្តចាស់ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ការប្រើប្រាស់ពាក្យសម្ដីទ្រគោះបោះបោក ឥតគួរសមមកលើព្រះសង្ឃ ហើយថែមទាំងព្រមានបណ្ដេញបកស្បង់ចីវរព្រះសង្ឃ ជាការប្រមាទមកលើព្រះសង្ឃក្នុងព្រះពុទ្ធសាសនា។
ការលើកឡើងរបស់បណ្ដាញព្រះសង្ឃឯករាជ្យ ដើម្បីយុត្តិធម៌សង្គម ដឹកនាំដោយព្រះតេជព្រះគុណ ប៊ុត ប៊ុនទិញ ក្នុងសន្និសីទសារព័ត៌មាន នៅភោជនដ្ឋានបៃតង រាជធានីភ្នំពេញ នៅព្រឹកថ្ងៃទី ០៤ វិច្ឆិកានេះ។
ចំណែកលោក រិន រ៉េន អ្នកសម្របសម្រួលនៃបណ្ដាញព្រះសង្ឃឯករាជ្យ ដើម្បីយុត្តិធម៌សង្គម បានរិះគន់ថា ទង្វើរបស់លោក ឈាង វុន ដែលជាតំណាងរាស្ត្រមួយរូប ពុំគួរគប្បីប្រើប្រាស់ពាក្យអសុរ ខ្វះសុជីវធម៌ ក្នុងនាមខ្លួនជាអ្នកកាន់ព្រះពុទ្ធសាសនា។
លោក រិន រ៉េន បន្តថាព្រះសង្ឃមានសិទ្ធិចូលរួមការងារសង្គម ជួយការងារទុក្ខលំបាករបស់ពលរដ្ឋ មិនមែនដូចជាសម្ដីលោក ឈាន វុន ថាព្រះសង្ឃមិនគួរចេះដឹងរឿងឃរាវាស ហើយស្រែកបណ្ដេញព្រះសង្ឃចេញពីវត្ត និង ព្រមានបកស្បង់ចីវររបស់ព្រះសង្ឃឡើយ។
ព្រះតេជព្រះគុណ ប៊ុត ប៊ុនទីញ ស្ថាបនិកបណ្ដាញព្រះសង្ឃឯករាជ្យ ដើម្បីយុត្តិធម៌សង្គម បានសម្ដែងការខកចិត្ត ខណៈមន្ត្រីជាន់បក្សប្រជាជន និងជាតំណាងរាស្ត្រជាប់ឆ្នោតរូបនោះ ប្រើសម្ដីអសីលធម៌បែបនេះ ហើយព្រះតេជព្រះគុណ នឹងតវ៉ាដោយធ្វើបាតុកម្ម ប្រឆាំងនឹងលោក ឈាង វុន បន្ទាប់ពីបុណ្យអុំទូករួច ដើម្បីឲ្យលោក ឈាង វុន សុំទោសព្រះសង្ឃជាសាធារណៈ។
យោងច្បាប់ព្រហ្មទណ្ឌថ្មីមាត្រា ៥១៦ និយាយពីបទប្រមាទចំពោះព្រះសង្ឃ ក្នុងក្របខ័ណ្ឌនៃមុខងារ ឬក្នុងឱកាសនៃការបំពេញមុខងារ អ្នកប្រព្រឹត្តិបទល្មើសត្រូវផ្ដន្ទាទោសដាក់ពន្ធនាគារ ទី១ថ្ងៃ ទៅ ៦ថ្ងៃ និងពិន័យជាប្រាក់ពី ១ពាន់រៀល ដល់ ១សែនរៀល៕
Chheang Vun chased out of Wat Chass Pagoda after angering land-grab victims and insulting Buddhist monks.
Post by Thy Sovantha.
ដោយ៖ ណាត សុភាព | ថ្ងៃអង្គារ ទី4 វិច្ឆិកា 2014
ស្តាប់សំឡេង៖ | ចម្លងទុក |
ព្រះតេជគុណ ប៊ុត ប៊ុនទិញ ប្រធានបណ្តាញព្រះសង្ឃឯករាជ្យ ដើម្បីយុត្តិធម៌សង្គម ក្នុងសន្និសីទសារព័ត៌មានកាលពីព្រឹកមិញ (រូបថត៖ ណាត សុភាព)
សមាជិកបណ្តាញព្រះសង្ឃឯករាជ្យ ទាមទារឲ្យតំណាងរាស្ត្រគណបក្សប្រជាជនកម្ពុជាលោក ឈាង វុន ចេញមុខសុំទោសជាសាធារណៈចំពោះរឿងដែលព្រះសង្ឃចោទថា ជាការប្រមាថព្រះសង្ឃ និងទិញស្រាឲ្យកីឡាករដែលមកអុំទូកផឹកក្នុងវត្ត។
ប្រតិកម្មនេះធ្វើឡើងបន្ទាប់ពីលោក ឈាង វុន កាលពីម្សិលមិញ បានចុះទៅជួបអ្នកមានជម្លោះដីធ្លីជាង១០០នាក់ដែលមកពីឃុំបឹងប្រាំ ស្រុកបវេល ខេត្តបាត់ដំបង ដែលកំពុងស្នាក់នៅវត្តចាស់ ក្នុងរាជធានីភ្នំពេញ។ នៅពេលនោះមានការប៉ះពាក្យសម្តីជាមួយព្រះសង្ឃ ដែលជាអ្នកសម្របសម្រួលរវាងពលរដ្ឋ និងតំណាងរាស្ត្ររូបនេះ។
សមាជិកបណ្តាញព្រះសង្ឃឯករាជ្យ ព្រះតេជគុណ ណុប វណ្ណី មានថេរដីកាក្នុងសន្និសីទសារព័ត៌មាននៅថ្ងៃអង្គារនេះថា តំណាងរាស្ត្រគណបក្សប្រជាជនកម្ពុជា លោក ឈាង វុន បានប្រមាថព្រះអង្គឲ្យដោះស្បង់ចីពរចេញពេលនិយាយរឿងដីធ្លី។ ព្រះតេជគុណបន្តថា លោក ឈាង វុន ក៏ទិញស្រាបៀរឲ្យកីឡាករមកអុំទូកដែលស្នាក់នៅវត្តចាស់នោះ ផឹកនៅក្នុងវត្ត។ ព្រះអង្គមានសង្ឃដីកាថា «តួនាទីជាព្រះសង្ឃ ហើយដល់អាត្មាលូកមាត់ថា គ្រាន់តែចង់និយាយតែបន្តិចសោះ គាត់ថា តេជគុណឯងគ្មានសិទ្ធិទេ បើតេជគុណឯងចង់លូកលាន់រឿងហ្នឹង តេជគុណឯងម៉េចមិនដោះស្បងចីពរចេញ គាត់និយាយទៅចឹងវិញទៅ ហើយចុះគាត់មានសិទ្ធិអ្វី តួនាទីគាត់ផ្សេងគ្នា ហើយគាត់មានសិទ្ធិអីមកដោះស្រាយរឿងដីធ្លីហ្នឹង»។
តំណាងរាស្ត្រគណបក្សប្រជាជនកម្ពុជាលោក ឈាង វុន ឆ្លើយតបថាលោកមិនមានកំហុសនោះទេ ហើយលោកមិនសុំទោសដែរ។ ចំណែកបញ្ហាស្រាវិញលោកមិនមែនជាអ្នកទិញនោះទេ។ លោកមានប្រសាសន៍ថា «ខ្ញុំអត់មានទោសសុំលោកទេ បើលោកមានទោសទុកខ្លួនឯងចុះ បើលោកមុសា សូមឲ្យលោកដាច់អាបត្តិនិងចុះនរក។ ខ្ញុំអត់មានទិញស្រាជូនអ្នកអុំទូកទេ នៅក្នុងវត្តទេ។ ខ្ញុំឃើញអ្នកផឹកស្រាសក្នុងវត្តហ្នឹង ខ្ញុំទើសចិត្ត ខ្ញុំបានអង្វរករគាត់កុំឲ្យផឹកស្រា ស្រាសវាខូចសុខភាព ព្រោះជាតិពុលវាខ្លាំង។ គាត់ថា ឯកឧត្តមអើយ បើខ្ញុំឈប់អាហ្នឹង ឥឡូវវាជាប់មាត់ហើយ អ៊ីចឹងសុំប៊ីយ៉ែ(ស្រាបៀ)ទៅ ខ្ញុំថាបើប៊ីយ៉ែ សុំឲ្យផឹកតែមួយកំប៉ុងទេ»។
ក្នុងសន្និសីទនោះដែរ ប្រធានបណ្តាញព្រះសង្ឃឯករាជ្យ ដើម្បីយុត្តិធម៌សង្គម ព្រះតេជគុណ ប៊ុត ប៊ុនទិញ ព្រមានថាបើលោក ឈាង វុន មិនចេញមុខសុំទោសទេ ព្រះអង្គនឹងដឹកនាំធ្វើធម្មយាត្រាឲ្យសុំទោសនូវអ្វីដែលលោក ឈាង វុន ធ្វើនោះ។ ព្រះអង្គមានថេរដីកាថា «ប៉ុន្តែអាត្មានឹងឆ្លៀតធ្វើទ្រង់ទ្រាយតូច ហែញត្តិ យកញត្តិទៅដាក់ជូនប្រធានសភា តាមរយៈគណៈកម្មការទី៧ ឲ្យណែនាំ ឈាង វុន ពីព្រោះ ឈាង វុន ជាប់ធ្វើតំណាងរាស្ត្រជិត២៥ឆ្នាំ អត់បានអានសៀវភៅ អត់បានពិនិត្យទៅលើវប្បធម៌ខ្មែរទេ ប្រហែលគាត់រវល់ធ្វើច្បាប់អីក៏មិនដឹង ច្បាប់ដែលខ្មែរគេមិនប្រើក៏មិនដឹង បើគាត់ធ្វើច្បាប់ដែលខ្មែរគេប្រើ ប្រហែលគាត់អត់មកប្រមាថលើស្ថាប័នព្រះសង្ឃទេ។ ដូច្នេះយើងគិតថា យើងនឹងហែញត្តិក្រោយបុណ្យអុំទូក៥ថ្ងៃ យើងនឹងហែញត្តិទៅដាក់នៅសភា»។
កាលពីថ្ងៃទី១៤ ខែវិច្ឆិកា ឆ្នាំ២០១២ លោក ឈាង វុន ធ្លាប់មានជម្លោះពាក្យសម្តីនៅក្នុងសភាជាតិជាមួយ លោក កឹម សុខា និងលោក សុន ឆ័យ។ ពេលនោះលោក ឈាង វុន បានប្រៀបប្រដូចតំណាងរាស្ត្រមកពីគណបក្សប្រឆាំងថាជាមនុស្សព្នង ព្រៃផ្សៃ។ ប៉ុន្តែសំដីលោក ឈាង វុន ធ្វើឲ្យជនជាតិដើមភាគតិចព្នងនៅខេត្តមណ្ឌលគិរី ប្រតិកម្មភ្លាមៗ ថា លោកបានមើលងាយដល់ប្រពៃណី ទំនៀមទម្លាប់ និងជំនឿសាសនារបស់ពួកគេ និងទាមទារឲ្យត្រូវសុំទោសជាសាធារណៈ ហើយលោក ឈាង វុន ក៏ព្រមចេញមុខសុំទោសផងដែរ៕
សូមសរសេរមកលោក ណាត សុភាព តាមរយៈ sopheap@vodhotnews.com
1 comment:
I watched the video clip. The Khmer monks were angry, hostile, aggressive, yelling in loud voices. That's terrible. I say, "Fake monks."
Well, shall I say, "Low quality monks." Khmer folks cannot do anything right. lol... They cannot pass their own national exams. They cheat, and now, they have fake monks.
What a sad race.
-Drgunzet-
Post a Comment