តំណាងរាស្ត្រគណបក្សប្រឆាំង នៅមិនទាន់ទទួលបានការឆ្លើយតបពីលោកនាយករដ្ឋមន្ត្រី ហ៊ុន សែន ចំពោះលិខិតស្នើឲ្យលោកចូលសភាបកស្រាយពីការកសាងផ្លូវរបស់ប្រទេសវៀតណាម ចូលក្នុងចំណុចដាក់ដាំ ឋិតក្នុងឃុំដាក់ដាំ ស្រុកអូររាំង ខេត្តមណ្ឌលគិរី ដែលមិនទាន់ត្រូវបានឯកភាពគ្នាដាច់ស្រេចនៅឡើយ ទៅលើការកំណត់ខ្សែបន្ទាត់ព្រំដែនរវាងប្រទេសជិតខាងទាំងពីរ នៅត្រង់តំបន់នោះ។ យ៉ាងណាក៏ដោយ មន្ត្រីរដ្ឋាភិបាលអះអាងថា កម្ពុជា នឹងបន្តដោះស្រាយជាមួយភាគីវៀតណាម។
តំណាងរាស្ត្រគណបក្សសង្គ្រោះជាតិ មណ្ឌលកំពង់ចាម និងជាអនុប្រធានគណៈកម្មការសាធារណការ ដឹកជញ្ជូន នគរូបនីយកម្ម និងសំណង់នៃរដ្ឋសភា លោក ម៉ៅ មុនីវណ្ណ ឲ្យដឹងនៅថ្ងៃទី១៦ តុលា ថា លោកកំពុងរង់ចាំការឆ្លើយតបផ្លូវការពីលោកនាយករដ្ឋមន្ត្រី ហ៊ុន សែន ចំពោះការស្នើសុំឲ្យប្រមុខរដ្ឋាភិបាលបកស្រាយ ឬបញ្ជាក់ឲ្យបានច្បាស់ពីការកសាងផ្លូវរបស់ប្រទេសវៀតណាម ចូលចំណុចដាក់ដាំ។
លោក ម៉ៅ មុនីវណ្ណ ដែលបានផ្ញើលិខិតទៅឲ្យ លោក ហ៊ុន សែន តាមរយៈប្រធានសភា លោក ហេង សំរិន កាលពីថ្ងៃទី១២ តុលា ថ្លែងថា លោកចង់ឲ្យ លោក ហ៊ុន សែន បកស្រាយឲ្យបានច្បាស់ពីបញ្ហានេះ ពីព្រោះលោកថា ប្រជាពលរដ្ឋខ្មែរដែលកំពុងរស់នៅតំបន់នោះ សម្ដែងក្តីបារម្ភជាខ្លាំងអំពីការកសាងផ្លូវរបស់ប្រទេសវៀតណាម។
តំណាងរាស្ត្របក្សប្រឆាំងរូបនេះដែលអះអាងថា បានចុះទៅពិនិត្យមើលផ្ទាល់នៅតំបន់ដាក់ដាំ កាលពីពិធីបុណ្យភ្ជុំបិណ្ឌកន្លងទៅ ក្រោយពីលោកទទួលបានព័ត៌មានពីប្រជាពលរដ្ឋនៅតំបន់នោះ បញ្ជាក់ថា ប្រទេសវៀតណាម បានធ្វើផ្លូវចូលមកដល់មាត់ព្រែកដាក់ដាំ តែម្តង ហើយដែលសកម្មភាពនេះលោកយល់ថា ពុំគួរឲ្យកើតមានឡើយនៅពេលនេះ។ លោក ម៉ៅ មុនីវណ្ណ មានប្រសាសន៍ថា រដ្ឋាភិបាលគួរបកស្រាយឲ្យពលរដ្ឋខ្មែរអស់ចម្ងល់ពីបញ្ហានេះ។
លោក ម៉ៅ មុនីវណ្ណ៖ «នាយករដ្ឋមន្ត្រីមកឆ្លើយក្នុងសភានេះ ឬក៏ឆ្លើយបំភ្លឺតាមលិខិតជាលាយលក្ខណ៍អក្សរ មកជូនដល់អ្នកតំណាងរាស្ត្រដែលជាតំណាងប្រជាពលរដ្ឋទូទៅ ហើយជាពិសេស ប្រជាពលរដ្ឋខ្មែរលោកមានការព្រួយបារម្ភអំពីបញ្ហាព្រំដែននេះ ដែលយើងឃើញថា ប្រសិនបើដូចទិដ្ឋភាព ដូចដែលគេធ្វើមករាល់ថ្ងៃនេះ ត្រង់ចំណុចហ្នឹងវាមានការរំលោភចូលច្រើនគីឡូម៉ែត្រណាស់»។
«នាយករដ្ឋមន្ត្រីមកឆ្លើយក្នុងសភានេះ ឬក៏ឆ្លើយបំភ្លឺតាមលិខិតជាលាយលក្ខណ៍អក្សរ មកជូនដល់អ្នកតំណាងរាស្ត្រដែលជាតំណាងប្រជាពលរដ្ឋទូទៅ ហើយជាពិសេស ប្រជាពលរដ្ឋខ្មែរលោកមានការព្រួយបារម្ភអំពីបញ្ហាព្រំដែននេះ ដែលយើងឃើញថា ប្រសិនបើដូចទិដ្ឋភាព ដូចដែលគេធ្វើមករាល់ថ្ងៃនេះ ត្រង់ចំណុចហ្នឹងវាមានការរំលោភចូលច្រើនគីឡូម៉ែត្រណាស់»។
ជុំវិញការកោះហៅនេះ វិទ្យុអាស៊ីសេរី មិនទាន់អាចសុំការឆ្លើយតបពីខុទ្ទកាល័យលោកនាយករដ្ឋមន្ត្រី ហ៊ុន សែន បាននៅឡើយ។ ចំណែកជំនួយការផ្ទាល់ លោក ហ៊ុន សែន លោក អ៊ាង សុផល្លែត ឆ្លើយថា លោកមិនបានដឹងពីបញ្ហាកោះហៅនេះទេ។
យ៉ាងណាក៏ដោយ មន្ត្រីរដ្ឋាភិបាល និងជាប្រធានគណៈកម្មាធិការចម្រុះកិច្ចការព្រំដែនកម្ពុជា លោក វ៉ា គឹមហុង ឆ្លើយតបថា ទាំងភាគីកម្ពុជា និងវៀតណាម សុទ្ធតែដឹងថាមិនទាន់មានការឯកភាពគ្នាលើការកំណត់ខ្សែបន្ទាត់ព្រំដែនពិតប្រាកដនៅឡើយនៅចំណុចដាក់ដាំ។ លោកថា វាមិនសមហេតុផលឡើយ បើរដ្ឋាភិបាលវៀតណាម ធ្វើផ្លូវចូលតំបន់នោះ ព្រោះថា សន្ធិសញ្ញាបំពេញបន្ថែមឆ្នាំ២០០៥ បញ្ជាក់យ៉ាងច្បាស់ពីការមិនឯកភាពនេះ។ យ៉ាងណា លោកថា ភាគីទាំងពីរបន្តដោះស្រាយបញ្ហានេះ។
លោក វ៉ា គឹមហុង៖ «ភាគីទាំងពីរមានកាតព្វកិច្ចរក្សាស្ថានភាពឲ្យនៅដដែល ក្នុងករណីដែលយើងមិនទាន់ឯកភាពគ្នា អាហ្នឹងដែលយើងបញ្ជាក់ជាច្រើនដងហើយក្នុងករណីហ្នឹង យើងមានចេញប្រកាសព័ត៌មានរួមនាយករដ្ឋមន្ត្រីប្រទេសទាំងពីរ កាលពីឆ្នាំ១៩៩៧ ថាយើងត្រូវរក្សាស្ថានភាពដដែលក្នុងករណីដែលយើងមិនទាន់ឯកភាពគ្នា»។
កម្ពុជា និងវៀតណាម មានខ្សែបន្ទាត់ព្រំដែនរួមគ្នាប្រវែងជាង ១.២០០គីឡូម៉ែត្រ ហើយប្រទេសទាំងពីរក៏កំពុងបន្តអនុវត្តការបោះបង្គោលព្រំដែនអន្តរជាតិរហូតមកដល់បច្ចុប្បន្ន។
ទាក់ទងនឹងតំបន់ដាក់ដាំ នេះ ក្នុងពេលចូលបំភ្លឺនៅរដ្ឋសភាតាមការកោះហៅរបស់តំណាងរាស្ត្របក្សប្រឆាំង កាលពីខែសីហា ឆ្នាំ២០១២ លោក ហ៊ុន សែន បញ្ជាក់ថា កម្ពុជា និងវៀតណាម នៅមិនទាន់ឯកភាពគ្នាលើកំណាត់ព្រំដែននៅតំបន់ជាប់នឹងឃុំដាក់ដាំ ស្រុកអូររាំង ខេត្តមណ្ឌលគិរី ខាងកម្ពុជា និងឃុំខ្វាងជិក ស្រុកដាក់ឡឹប ខេត្តដាក់ណុង ខាងវៀតណាម ដែលមានផ្ទៃក្រឡាដីប្រមាណជា ៥០គីឡូម៉ែត្រក្រឡានោះនៅឡើយទេ។
លោក ហ៊ុន សែន ថាមូលហេតុដែលមិនឯកភាពគ្នានោះ គឺដោយសារខាងភាគីកម្ពុជា ទាមទារយកខ្សែព្រំដែននៅកំណាត់នេះ តាមសេចក្តីសម្រេចរបស់អគ្គទេសាភិបាលបារាំង ចុះថ្ងៃទី៣១ ខែកក្កដា ឆ្នាំ១៩១៤ ដែលបានបញ្ជាក់ថា ខ្សែព្រំដែននៅតំបន់នេះដើរតាមព្រែកដាក់ហ៊ូត រហូតដល់ប្រភពនៃព្រែកនោះ។ ប៉ុន្តែខាងភាគីវៀតណាម វិញ គេទាមទារយកខ្សែព្រំដែននៅកំណាត់នេះ ដើរតាមព្រែកដាក់ដាំ តាមផែនទីរបស់ក្រុមភូមិសាស្ត្រឥណ្ឌូចិន (SIG) ខ្នាត ១/១០០.០០០ និងតាមការកាន់កាប់ជាក់ស្តែងរបស់ប្រជាជនវៀតណាម ដែលមានជាយូរមកហើយ។
យ៉ាងណាក៏ដោយ លោក ហ៊ុន សែន អះអាងថា ភាគីកម្ពុជា និងវៀតណាម បានឯកភាពគ្នាបន្តការពិភាក្សាទៀតលើចំណុចនេះ៕
7 comments:
Hun Sen is a traitor and should be condemned according to the law, but instead he is a PM. It is calamity and misfortune for the Khmer that he was born in Cambodia.
កុំព្រួយអី សំណួរអ្វីៗដែលទាក់ទងនឹងយួន ច្បាស់ជាគ្មានចម្លើយហើយ ព្រោះ ហ៊ុន សែន បាននិយាយថា ពួកវាដឹងថាអាញ់ខ្ញុំយួនហើយ ហេតុអីបានជាវាលើករឿងជាមួយយួនមកតាមសួរអាញ់ទៀត ដេកចាំឆ្កែ ហ៊ុន សែន អាញ់ដុះស្នែងសិនវ៉ើយ ។
Hun sen said you ask was wrong question that why he didn't answer. he should ask how big and how long the road are because YOUN have a privilege to do anything since I get power and all of Cambodian know that.
why khmer can't find Bung Ton le Sap fish in the market no more? This should ask Hun Sen . where all the fish go?
It's good to have a question to Hun sen about YOUN?
and My question is
What's YOUN can't do in Cambodia?
Currently Hun Sen believes that he is bigger than Cambodia.
Khmer people may not quite know about this present situation of Khmer and Vietnam as a whole . Yuon have claim this 10 to 15 Km as his land are the result of Sihanouk treason , That the fact . in late 1967 -68 after American bomb Khmer village in tralork bak , Sihanouk get very angry , he went to radio And TV Khmer to protest American invasion in Khmer sovereignty and declare war with United State . This is a fake trick of our great leader to hind act of treason by him to Khmer People . He secretly allow Vietnam troupe ( Viet cong ) to enter Khmer territories Deep to 15 Km or some place 20 Km as a refuge and relax camp . This is the fact that right now Yuon claim as their land deep inside our Khmer land . At the time LON NOL depose him from power , They have estimate about 50 thousands Vietnamese troupe inside Cambodia . Two or three month after Sihanouk met with Vietnam prime- minister in PEKING Yuon troupe start to move , attack Khmer troupe with poor arm and not reorganize from Rattanak Kiri all the way to Takeo . In addition to that Sihanouk start to use enemy Chen air wave in Peking call all his fanatics sympathizers to organize and fight back by accuse LON NOL regime as traitor or American puppet to cover his treason act . Most Khmer People rarely know,or understand the situation at that time, rare Khmer historian dare to tell the truth to educate our young generation specially good educate Khmer abroad . Right now Yuon and their associate puppet government have a brain wash from Vietnam can manipulate the short history at the wartime to tell Khmer people that land allowed secretly by Sihanouk to their conqueror for just troupe retreat, rest from the war zone , now become the Yuon land in dispute . You Khmer patriot can see the Yuon Var Kim Hong or Hun Sen and their puppet administration is totally incompetent and really don't know or try ignore the real fact in Khmer HISTORY .
Post a Comment