Why the people are so surprised with the CNRP joining the parliament? (This is also the view of Khmerization!) ហេតុអី ក៏ភ្ញាក់ផ្អើល នឹងការចូលសភា នេះ ម្ល៉េះ ?​ (នេះក៏គឺជាទស្សនៈរបស់ ខ្មែរូបនីយកម្ម ដែរ!)

Emily Zana

3 hrs · 

ទោះបក្សសង្គ្រោះជាតិ មិនចូលសភា ក៏ ក្រុម ហ៊ុន សែន នៅតែកាន់អំណាច ដដែល ហ្នឹង ! គឺ គ្មានអ្វី ជាឧបសគ្គ សម្រាប់ បក្សប្រជាជន ទេ ! តែ សម្រាប់ គណបក្សសង្គ្រោះជាតិ ការចូលសភា គឺ ប្រសើរ ជាងមិនចូល ព្រោះ បក្សសង្គ្រោះជាតិ ចាញ់ប្រៀប ហិរញ្ញវត្ថុ បក្សកាន់អំណាច រឹតតែខ្លាំង ។ ទោះ បក្ស សង្គ្រោះជាតិ មិនចូលសភា ក៏ ហ៊ុន សែន នៅតែបំផ្លាញជាតិ តាមធម្មតា របស់វា ។ ហើយ ណាមួយ គ្មានអន្តរជាតិណា ជួយ ដាក់សម្ពាធសោះ ! បក្សសង្គ្រោះជាតិ រង់ចាំ មួយឆ្នាំហើយ តែគ្មានមជ្ឈដ្ឋាន អន្តរជាតិ ណាមួយ មក ជួយយើង សោះ !!! បក្សប្រជាជន គ្មាន ថមថយ អ្វីឡើយ មួយឆ្នាំ មកនេះ ។ គឺ ចង់ ធ្វើអី គឺធ្វើ បានដដែល ។

យើងគ្មានជម្រើស ទេ ! ការសម្រេចចិត្ត បែបនេះ របស់ លោក សម រង្ស៊ី គឺជា ការសម្រេចចិត្ត ដ៏ល្អ ! ខ្ញុំ គាំទ្រ ការចូលសភា របស់ លោក សម រង្ស៊ី ! ប៉ុន្តែ សម្រាប់ ប្រជាជនសាមញ្ញ គាត់មិន យល់ចំណុចនេះ ទេ.... គាត់គិត ស្មានថា បើសង្គ្រោះជាតិ មិនចូលសភា គឺ ហ៊ុន សែន អាចដួល រលំបាន ! ហេតុនេះ ហើយ គាត់ខកចិត្ត !

តាមពិត គណបក្ស សង្គ្រោះជាតិ បាន ថ្លឹងថ្លែង រួចហើយ .... ដោយស្ទង់ តាមខ្យល់ នយោបាយ អន្តរជាតិ ក្នុងសកលលោក ... គឺ គ្មានអ្នកណា ជួយយើងបានឡើយ ! មេដឹកនាំ បក្សសង្គ្រោះជាតិ បានពិចារណា ទស្សនវិស័យ ទៅថ្ងៃមុខ រួចហើយ ៖ គឺ ទោះបក្សសង្គ្រោះ ជាតិ មិនចូល សភា រហូតដល់ឆ្នាំ 2018 ក៏ គ្មានជះ ឥទ្ធិពលអី ដល់ បក្សកាន់អំណាច ដែរ !

ទាំង លោក សម រង្ស៊ី ទាំង លោក កឹម សុខា គឺ ធ្មេច ភ្នែក ទទួលយក ស្ថានការណ៍ នេះ ទាំង ក្តុកក្តួល ។ លោក ទាំងពីរ យល់ច្បាស់ណាស់ ថា ការធ្វើបែបនេះ មិនសម នឹងអ្វី ដែលពួកលោក ចង់បាន ទេ ។ តែ ពួកលោក ទទួលយក ដោយសារ អ្វី ? គឺ នយោបាយសកលលោក (នយោបាយ អន្តរជាតិ) មិនអំណោយផល សម្រាប់ការ តស៊ូ របស់យើង ។

----------------

តែ ទោះយ៉ាងណា ត្រូវចងចាំ ! បក្សកាន់អំណាច ឈ្នះឆ្នោត នៅ មណ្ឌល ណា ដែល នៅឆ្ងាយ ពី ព័ត៌មាន វិទ្យុ របស់ បក្សប្រឆាំង ប៉ុណ្ណោះ... គឺ ខេត្ត ដែលឆ្ងាយ ពី ទីក្រុង...។ បក្ស ប្រជាជននេះ នៅ អាចបន្ត ភូតបាន តែអ្នក ស្រុកស្រែ ឆ្ងាយៗ ដែលគ្នា អត់ដឹង អត់ យល់អី ហ្នឹងឯង... គឺ ប្រជាជន ដែលរស់ នៅ កន្លែង ដែល ព័ត៌មាន ឯករាជ្យ ទៅមិនដល់ ។ ហេតុនេះ បក្ស សង្គ្រោះជាតិ ត្រូវ វាយឱ្យ ចំ ចំណុច ខ្សោយ របស់ បក្ស ប្រជាជនយួន មួយនេះ ដោយ ពង្រឹង ប្រព័ន្ធ ឃោសនា ព័ត៌មាន របស់ខ្លូន ជា អាទិភាព ចម្បង មុនអ្វីៗ ទាំងអស់ ។ ក្នុង អាណត្តិទី5 នេះ បក្ស សង្គ្រោះជាតិ ត្រូវបង្កើត ស្ថានីយ វិទ្យុ និង ទូរទស្សន៍ ជាផ្លូវការ របស់ គណបក្ស មួយ ដែលមាន កំលាំង ការផ្សាយ អាច គ្រប ដណ្តប់ បាន ទាំងស្រុង លើ ផ្ទៃ ដី 181.035 គីឡូ ម៉ែត្រ ក្រលា ឱ្យបាន ... ព្រោះនេះ ជាឱកាស តែមួយ គត់ សម្រាប់ ទាមទារ ប្រព័ន្ធផ្សព្វផ្សាយ អោយបាន ដើម្បី ពង្រឹង កម្លាំងអ្នក ប្រជាធិបតេយ្យ យើង ។ និង សម្រាប់ វាយផ្តួល បក្សប្រជាជន ដ៏ ពិសពុល នេះ នៅឆ្នាំ 2018 !