A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Tuesday 1 July 2014

Cambodia and Thailand to discuss about implementing the ICJ verdict on Preah Vihear dispute when Thai political crisis eased កម្ពុជា និង​ថៃ នឹង​បង្កើត​កិច្ច​ពិភាក្សា​អនុវត្ត​សាលដីកា ICJ បន្ទាប់​ពី​ស្ថានការណ៍​ថៃ​ធូរស្បើយ​វិញ​​

ដោយ៖​ តាំង វីដា​ | ថ្ងៃអង្គារ ទី1 កក្កដា 2014, VOD

​រដ្ឋមន្ត្រីការបរទេស​កម្ពុជា និង​ថៃ នៅ​ថ្ងៃ​អង្គារ​នេះ អះអាង​នឹង​បង្កើត​កិច្ច​ពិភាក្សា​អនុវត្ត​សាលដីកា តុលាការ​យុត្តិធម៌​អន្តរជាតិ (ICJ) លើ​សំណុំរឿង​ដី​ជុំវិញ​ប្រាសាទ​ព្រះវិហារ បន្ទាប់​ពី​ស្ថានការណ៍​នយោបាយ​នៅ​ប្រទេស​ថៃ មាន​ស្ថិរភាព​វិញ​។​
​តប​នឹង​សំណួរ​អ្នកសារព័ត៌មាន ក្រោយ​បញ្ចប់​ទស្សនកិច្ច​នៅ​កម្ពុជា អគ្គលេខាធិការ និង​ជា​រដ្ឋមន្ត្រី​ស្តីទី​ក្រសួង​ការបរទេស​ថៃ លោក Sihasak Phuangketheow មានប្រសាសន៍ថា ប្រទេស​ថៃ នឹង​អនុវត្ត​តាម​កិច្ចព្រមព្រៀង ​ដែល​ភាគី​ថៃ និង​កម្ពុជា បានកំណត់​ជួប​ពិភាក្សា​គ្នា និង​ដោះស្រាយ​ចំពោះ​ការបកស្រាយ​សាលក្រម​របស់ ICJ បន្ទាប់​ពី​ប្រទេស​នេះ មាន​ស្ថិរភាព​ពេញលេញ បង្កើត​សភា និង​រដ្ឋាភិបាល​ថ្មី​រួចរាល់​។​
​សម្រាប់​រដ្ឋមន្ត្រី​ការបរទេស និង​សហប្រតិបត្តិការ​អន្តរជាតិ លោក ហោ ណាំហុង ឲ្យដឹង​ដែរថា កម្ពុជា មាន​ការយោគយល់​ចំពោះ​ស្ថានភាព​ផ្ទៃក្នុង​របស់​ថៃ ដែល​មិន​អាច​ឲ្យ​ដំណើរការ​កិច្ច​ពិភាក្សា​នេះ អាច​ប្រព្រឹត្តទៅបាន តែ​លោក អះអាងថា ភាគី​ទាំងពីរ នឹង​បើក​កិច្ចចរចា​អនុវត្ត​សេចក្តីសម្រេច​របស់ ICJ លើ​សំណុំរឿង​ដី​ជុំវិញ​ប្រាសាទ​ព្រះវិហារ ក្នុង​រយៈពេល​មួយ​សមរម្យ​មួយ​។​
​លោក ហោ ណាំហុង ក៏​បាន​រំលឹក​ពី​ការលើកឡើង​របស់​លោក​នាយករដ្ឋមន្ត្រី ហ៊ុន សែន និង​អតីត​នាយករដ្ឋមន្ត្រី​ថៃ លោកស្រី យ៉ីង ឡាក់ ថា ភាគី​ទាំងពីរ បាន​សន្យា​នឹង​អនុវត្ត​លើ​ការបកស្រាយ​របស់ ICJ ដោយ​យោគយល់​គ្នា និង​ដោយ​សន្តិភាព​។​
​កាលពី​ថ្ងៃ​ទី​១១ ខែវិច្ឆិកា ឆ្នាំ​២០១៣ តុលាការ​យុត្តិធម៌​អន្តរជាតិ បាន​សម្រេច​ថា កម្ពុជា មាន​អធិបតេយ្យ ពេញលេញ​លើ​បូរណភាព​ទឹកដី​លើ​តំបន់​ពយ​ភ្នំ​នៃ​ប្រាសាទ​ព្រះវិហារ ដូចដែល​មាន​កំនត់ ក្នុង​កឋាខណ្ឌ ទី​៩៨ នៃ​សាលដីកា​នេះ ហើយ​ជា​បច្ច័យ តុលាការ​ប្រកាសថា រាជាណាចក្រ​ថៃ មាន​កាតព្វកិច្ច​ដកចេញ​ពី​ទឹកដី​នេះ នូវ​គ្រប់​កងកម្លាំងប្រដាប់អាវុធ ឬ​កង​នគរបាល ឬ​ឆ្មាំ​យាម​ផ្សេងទៀត របស់​ថៃ បើ​បោះ​ទីតាំង​នៅក្នុង​ទឹក​ដី​នោះ​។ ប៉ុន្តែ​កិច្ច​ពិភាក្សា​នេះ ត្រូវបាន​ពន្យារពេល​បន្ទាប់​ពី​ស្ថានការណ៍​ប្រទេស​ថៃ មាន​ភាព​មិន​នឹងនរ​៕

សរសេរមកកាន់លោក តាំង វីដា តាមរយៈ vida@vodhotnews.com

1 comment:

Anonymous said...

Can administrator post in English. Sadly, I can't read Khmer. I barely read Khmer. I had forgotten Khmer reading but still love, care and interested my birth place Cambodia.

I hope Hun Sen doesn't sell out our territories in return to please Siam new leaders to forget about Thaksin/Hun Sen friendships. Usually CPP only look out for foreigners instead of it's own peoples. All I can say I doubt Prachut Chan Ocha is any easier than the Red Siam party. Siam always be Siam, they always looking to steal Khmer land any ways they can until no more of us. The only differents is Viets wanted our land and not the Khmer peoples in it (genocide). Siam will take our land let us live under their rules. Lesser of two evils. Our country will be weak economically and military as long as we still under foreign ruled.